الجزء السابع

1678 Words

بس للاسف محدش قدر يتكلم ، حتي مروان اتفاجأ ، لكنه كالعادة كان جواه وبص في الملف اللي قدامه ، وكمل اجتماع ناقش بعض الامور المتعقلة وانتهي الاجتماع قفلت الباب عليا انا ومصطفي و قولتله بغضب ممكن اعرف اية سبب القرار ده ، ممكن اعرف انت بتعمل ليه كدا مع مروان ، ليه بتفرق بينهم ، مروان هو أحق بالمنصب ده ، هو اللي بيشتغل ويتعب وعارف كل تفاصيل الشغل ، ولاول مرة مصطفي يرد عليا بالهجوم ده وقالي بصراحة أنا اللي مش فاهم انتي ليه جاية في صف مروان ضد ساهر ، رديت عليه وقولتله انت بتتكلم ازاي انا هقف مع ابني ضد ابني التاني ، رد بزعيق وقالي ايوة انتي علي طول واخدة صف مروان ، موقفة علي كل قراراته كانه مبيغلطش ، اما ساهرعلي طول تقولي فاشل ولازم يتعلم ويبقي زي اخوه مروان ، عايزني اعمل زيك واسيبه عشان يطلع معقد ، الولد نفسيته تتأثر ، استغربته اوي وسألت نفسي هو ليه بيعمل كدا ، ايه سر المعاملة ده ، أنا متأكدة أنه بيحب مروان بس ديما بيعمله بشدة وقسوة على طول وناصر عليه ساهر اخوه الصغير حتى لو غلطان ، رديت عليه وقولتله ده بجد انت مصدق نفسك ومصدق اللي بتقوله ده ، لا بقي أنا اللي عايزة اعرف لاني انا مستغربة طبيعة علاقتك بمروان واية هو سر قسوتك عليه بشكل ده ، مع انه احق بحنيتك ، ده يتيم ياقلبي ماشفش أمه ولا حس بحنيتها ، طب انت تعرف اني جربت الدنيا كلها عشان اتجوزك عشان خاطر عيون مروان ، لانه كان صعبان عليا جدا، رد بقسوة غريبة عمري ماحسيتها في كلامه قبل كدا ، وقالي لاني جوازي منها كان غلطة وعمري ماحبيتها ، طول عمرها كانت محسساني اني فاشل وان عمري ما اكون حاجة ، رديت عليه بدهشة وقولتله مين ده يا مصطفى ، رد عليا بغضب وقالي ، لو سمحتي روحي شوفي شغلك يا نجاة وسيبيني ، لاني مصدع شوية ، سمعت لكلامه وسيبته وخرجت لاني حسيت ان صوتنا بقي عالي كفاية وقلت يابت اقصري الشر ، بس قولتله كلمة أخيرة قبل مااخرج ، خود بالك يا مصطفي انت كدا بتظلم الأولاد ، وتربي فيهم الحقد والغل بينهم ، والظلم ده اخرته وحشة، وانا مش هقبل بده ابدا ، لاني يعتبر ان مروان الاول ، قبل ما ربنا يكرمني بساهر ، فعمري ما هرضى بظلم مروان حتي لو كان لمصلحة ساهر ، وخرجت وسيبته وانا متغاظة وعلي اخري منه ، ، ودخلت علي مكتبي لقيت ساهر قاعد يلعب جبميز على اللاب ، واللي شغال وطالع عينه هو مروان كالعادة ، خبط بايدي جامد على المكتب الاتنين تفزعوا وزعقت لهم وقلت انتم بتعملوا ايه ؟ وجهت كلامي للساهر وقولته المفروض انك دلوقتي صاحب قرار ، يعني تكون ماسك ملفات المناقصات اللي جاية وتدريسها ده علي الاقل ، مش بتلعب جيمز ، رد عليا وقالي ماهو مروان بيشتغل ورافض يعلمني ، بصيت لمروان وكملت زعيق وقولتله انت بدل ما تشتغل مكانه المفروض انك تعلمه ، رد عليا بصوت هادي وقالي حاضر بس بابا طلب مني ملف مناقصة الموبايلات ، قولت اجهزه وابعته وبعد كدا اتفرغ لتدريب ساهر ، متقلقيش يا امي ، عمري ما اقصر معاه ،. بصراحة حسيت انه زعل لان هو ملوش ذنب ، قولتله اسفة حبيبي اصل انا تعبانة شوية النهاردة ، ياريت متزعلش مني ، هز راسه بكل ادب وابتسم وقالي حاضر ياست الكل انتي كل طلباتك اوامر ، قلتله طب روح اقدم الملف لبابا عشان مستنيه ، وفعلا خرج بهدوء ، بصيت ل ساهر الليل فضل واقف ورفع حاجبه لان الكلام مش عجبه واتكلم بغيظ وقالي ايه نسيتي تقولي حاجة تاني ، ما تكملي بهدلة ولا انده كل الموظفين عشان تكملي كلامك وبهدلت لك ليا وطبطبت على نانوس عينه امه مروان ، بصت بغيظ وقولتله انت عندك دم يا واد انت ، رد ببرود وقال لا معنديش ، شحن فودافون ، رديت وقولتله هو ده اللي فالح فيه ، قولتله فعلا والله ، ماهو لو عندك ذرة احساس كنت حسيت على دمك وتحاول تكون زي اخوك وتساعده وتتعلم منه ، إنما نعمل ايه في دلع ابوك اللي هيبوظك ده ، وبس اقسم بالله يا ساهر لو ماظبط وبينت كرامة في الشركة لاكون انا اللي رفداك منه ، وسيبته ومشيت وقبل ما اخرج لاقيته بيقولي ، اللي يسمعك وانتي بتتكلمي كده ، يقول انه هو اللي ابنك مش انا ، انا عمري ماشفت ام بتحب ابن جوزها اكتر من ابنها ، قلبي انشق نصين والكلام اتحشر في زوري ، وقولتله انت جبت الكلام ده منين ، وحسك عينك اعرف ان اتكلمت مع مروان في الكلام ده ، انا ربيت مروان زي ما رابيتك ، وانتوا الاتنين ولادي ، وبفرض ولو على كلامك وحسبتك ، انا كدا بحبك انت اكتر ، لما اكون عايزك شاطر وواعي زي اخوك ، يبقي ليك عند الافضيلة ، لكن انا امكم انتوا الاتنين افهم ياابو مخ عصفورة ، خرجت وسيبته ، ومرت الأيام وساهر زي ماهو ومروان مش ملاحق على الشغل ولا تدريب ساهر اللي مش متقبل منه أنه يعلمه وعلي طول يتعمد انه يسيء معاملته خصوصا قصاد العاملين في الشركة و ساهر يسامح ويقدر أنه صغير وانه طايش ، وفي يوم كنت انا و مصطفي مسافرين لعقد صفقة ‘اليوم اللي رجعنا لقينا ساهر كان مجروح في راسه و دراعه م**ور ،. اتخضيت انا ومصطفي وخوفنا انه يكون عمل حادثة ولا حاجة ، بس الغريب لما ساهر قال انه مروان هو اللي ض*به كدا وجرح راسه و**ر ذراعه وإن الخناقة كمان كانت في الشركة قدام الموظفين ، بس لا ساهر ولا مروان قالوا السبب ، طبعا مصطفي غضب جدا من مروان لدراجة انه مد ايده عليه ، وطرده برا البيت والشركة وقاله اياك تدخل البيت ده تاني ولا الشركة، ، وانا كنت وقفة عاجزة ، ازاي مروان يعمل كدا في اخوه ، قلبي وجعني علي ابني ، وبدأت اجاي على مروان ، معقول حتى مشلش جميلي في تربيته ومعملتي الكويسة له ، حضنت ساهر ورجعت بذاكرتي لاكتر من 25 سنة ، لما مصطفي اتقدملي وقتها كانت مراته سالمي صحبتي لسة متوفيه بقالها سنه ، ماتت وهى بتولد مروان وصتني عليه كتير وقالتلي ابتي امانة في رقابتك اوعي تفرطي فيه ، خوديه وربيه واوعي تقسي عليه كفاية لايام قسيت عليه وحرمته من امه ، كنت بعيط قولتلها اوعي تقولي كده انتي هتقومي ومحدش هيربي ابنك غيرك ، كنت بتكلم بس هي مكنتش سامعني ، كان ربنا استرد امانته ، ومن يومها ومروان ابني وعمري مافكرت اني مش امه ، حتي لما خلفت ساهر فرحت وقولت ربنا كرمني بدل الولد اتنين ،وكنت بتمني ساهر يطلع زي مروان ، فوقت من شرودي على خروج مروان من البيت بشنطة هدومه، ولمحت نظرة انتصار وشماتة في عيون ساهر ، بعد خروجه بس في اليوم ده حلمت ان سالمي جاية تعتبي اني فرط في الامانة ، وكانت بتعيط وبتنادي علي مروان ، قمت مفزوعة وانا بصرخ باسمها سلمي سامحيني يا سلمي ، ، ولمت نفسي اني خنت الامانة ونكرت العهد اللي بيني وبينها ، كنت بدور علي مروان اللي اختفي من يومها ، حتى مصطفي لأول مرة يظهر خوفه وقلقه على مروان بشكل ده ، وكان هيتجنن عليه ، خصوصا بعد ما عرفنا الحقيقة و سبب الخلاف، اللي حصل بينهم ، واللي هو مروان كان رافض يمضي على صفقة مشبوهة ، و عرف ان ساهر وافق عليها ، وكانت عبارة عن اجهزة طبية مشعة وملوثة ، والمفروض انها تدفن على بعد أميال تحت الأرض ، ولما مروان عرف رفض الشحنة وبلغ عنها وعن صاحبها كمان ، ،ورفض ان ساهر يلوث اسم الشركة واسم ابوه ، وزي ما رفض برده يقول السبب عشان ما نهجمش ساهر ، وفضل يكون مظلوم ولا انه يزعل مصطفي علي ساهر وهو عارف انه بيحبه قد اية ، بس انا عرفت من أمين المخازن وقتها مصطفي ندم كتير علي دلعه في ساهر وقسوته علي مروان ، ومرت سنة ومروان لسة مخنف منعرفش عنه حاجة ، انا من يومها رفضت اروح الشركة تاني ، لحد مافي يوم حصل الكارثة مصطفي اكتشف انه ساهر بيغش في أذونات الجمارك و بيدفع رشوة ، عشان يدخل شحنة فيها م**رات كمان ولا همه اسم ابوه ولا اسم الشركة اللي طلع عينيا في تكونها ، طول عمري خايفة من دلعنا في ساهر بس مكنتش اتوقع ان يوصل به الامر لكدا ،ده غير ان مصطفي تعب جدا ، بازمة ص*رية ودخل الرعاية وفضل فيها شهر كامل وقتها بس ظهر مروان اللي جه وكان هيتجنن علي ابوه وفضل معانا في المستشفى ماسابش ابوه وساهر يدوب يعدي مرة ويتصل مرة ، لحد ما بداء مصطفي يفوق ويفتح عينه ، كنت واقفة مرعوبة عليه وبعيط علي حب عمري اللي كان هيروح من بين ايديا ، مصطفي فتح عينه و رد بكلمه واحده عايز المحامي حالا نجاة ، استغربت انه عايز المحامي في الوقت ده ليه؟ ، بس قولتله حاضر ، و بلغت مروان اللي كان واقف برا وقلت له اتصل بالاستاذ سيد المحامي وخليه يجي عشان بابا عايزه ، قالي حاضر ،. وقولتله واتصل علي الجبلة اللي اسمه ساهر وقوله ابوك فاق وخاليه يحي يشوفه ، وفعلا المحامي جه واللي عرفته انه مصطفي كان كاتب وصية وظالم بها مروان وكاتب له تلات الشركة والتلاتين للساهر ، بس لما تعب وشاف الموت بعينه ، رجع لربه وتاب ولغي الوصية ، المشكله ان ساهر عرف من المحامي ،يومها بالليل عرفت ان مروان انض*ب عليه نار ، وكان حالته خطيرة ، واللي ض*به ساهر ، بس مروان اتنازل عن المحضر ، اكراما ليا انا وقالي لو هعيش عمري كله أوفي جمايلك مش هيكفي ، انتي اكرمتي تربيتي ، وده فضل عمري ما هقدر اوفيكي حقك ، مصطفي قاله سامحني يا بتي أنا اللي عملت كدا فيكم لما فضلت ساهر عليك ، انا اخدتك بذنب امك ، اللي كانت مش شيفاني غير اني فاشل وان جوازها مني كان غلطة ، كنت كلما اشوفك افتكر انك ابنها وانسي انك ..قبل ماتكون ابنها انت ابني ، سامحني يا مروان سامحني يابني مرت ايام ساهر كان هربان خايف ليتقبض عليه ، ومكنش مصدق لما عرف ان اخوه اتنازل عن المحضر ، وجاله نادم م**ور الخاطر بس مروان كان قلبه كبير ضم اخوه لحضنه ، واول ما شد حيله وقف معه وعلمه كل حاجة ، والحمد لله هما الاتنين بقوا يحبوا بعض والنهاردة فرح مروان ، وساهر هو اللي في ضهر اخوه ويحضره كل حاجة ، وحمدت ربنا انه الف بين قلوبهم ، ورجع الرحمة والعطف بينهم تاني ، ابنك ده حتة منك مش عشان انفصلنا أو اختلافنا نكره اولادنا او نجدهم بذنب اختيارنا الغاط اولادنا امانة وتربيتهم ورعايتهم سنسأل عنها يوم القيامة وكما قال رسولنا الكريم كلكم راعي وكلكم مسؤل عن رعيته

Free reading for new users

Scan code to download app

App Store Google Play

Facebookexpand_more