Malapit na sina Arwena at Archie sa Denovan Hotel, pero hindi pa rin tumigil si Arwena na talakan ng talakan ang kaibigang si Archie. Talagang naiinis siya sa kaibigan niyang hindi nag-iisip. Ang dami na niyang problemang kinakaharap, dumagdag pa ang ginawa nito.
“Sorry na nga, Wena. Nawala lang talaga isip ko na maari palang magkita ang mag-ama sa hotel. Si mommy kasi ang laman ng utak ko. Gusto ko lang naman na mapasaya si mommy, at nangyari na nga ‘yon, Wena. Ang saya niya nang malaman niya na may Anak na palang napaka-cute ang panganay niyang halimaw," paliwanag ni Archie kay Arwena na gusto na yata siyang sapakin.
Kanina pa kasi kuyom ang kamao nito. At alam ni Archie na nanggigigil ito sa kanya. Kung hindi nga lang siguro siya nagda-drive ngayon ay siguradong matinding sabunot at m
