“Nathan—”
Sasawayin na sana ni Arwena si Nathan na tuwang-tuwa pa rin habang nakatingin sa alaga ng Papa niya na nasa loob na ng maliit na glass enclosure. Kaya lang, pinigil siya ni Archie. Umiling-iling at may kasabay na makahugang tingin.
Nagtataka man si Arwena, pero sinunod naman ang gusto ng kaibigan. Hindi na lang siya nagsalita.
Ang nasa isip kasi ni Archie, kapag sasawayin ni Arwena ang bata, siguradong sasagot ito at ipagpipilitan na totoo ang sinasabi niya at hindi siya nagsisinungaling.
Gano’n si Nathan. Hindi siya magpapapigil magsalita kapag alam niya na tama siya at nagsasabi siya ng totoo. E-prove niya talaga ‘yon. At ‘yon ang iniiwasan ni Archie, alam nga ng bata na gay siya. Mas lalo lang silang mabubuking.
Malalaman ni Tandre na nagsisinungaling at nagpapanggap
