"MASARAP ba ako? Kakarat-karat ba 'ko?" puno ng hinanakit ang boses ng nagsalita.
"Hinde!" mabilis na sagot ng kausap nito.
"Then, why?!" sigaw ng naghihinakit. Lumagapak ang palad ng kausap nito sa pisngi niya.
"Pota ka, bakla! Bakit mo 'ko sinampal? Wala sa script 'yan!"
"Ay! Wala ba? Patingin… Ay! Wala nga pala."
"Hayup ka, halika! Pepektusan ko 'yang imaginary pekpek mo!"
Mula sa binabasang magazine, nag-angat ng mukha si Erin at masamang tumingin kina Erika at Duketa. “Kaloka kayong dalawang bakla kayo, kanina pa ’ko naririndi sa inyo. Bet n’yo bang magpatayan? Bili ko kayo ng kutsilyo sa labas.”
“Ay, mainit ang ulo ni madam,” sabi ni Duketa—o Duke sa totoo nitong pangalan. “Acting lang naman ’to, madam.”
Umirap si Erin. Isa ito sa mga best hairstylist ng salon niya. At dahil
