رواية أميرة بقلب سجان

الحلقة الاولى اسندت رأسها على النافذة وهى مغمضة العينين في هدوء متألم ودموعها مسترسلة على خديها بعنف وشهقاتها متتابعة تحاول كتمها وبعض الحظ جعل عربتها فارغة من دونها مما اتاح لها حرية اظهار الألم بمفردها بعد فترة طويلة وهى على حالها هذا أخيراً تاهت فى أحلامها نائمة وأجمل ما حدث إنها رأت والدها في احلامها وفجأة استيقظت بفزع على صوت محصل التذاكر المحصل ...... ياااا انسة يااا انسة اصحي أميرة بخضة ... اااايه ااايه فى اايه ؟؟ ثم نظرت حولها وبعد لحظات من التيهة ادركت الوضع المحصل ... القطر وصل بقاله ١٠ دقايق والركاب كلهم نزلوا وحضرتك لسه نايمة أميرة بخجل ... انا اسفة مش عارفة ازاي ما حستش ثم وقفت والتقطت شنطها استعداداً للنزول وبعد خروجها من المحطة وقفت على جانب الرصيف تنظر للطريق حتى توقف تا**ى أميرة .. تاااا**ي .. ااااااستنى (جرى التا**ي ولم يقف ) وظلت هكذا لخمسة عشر دقيقة حتى أوقفت تا**ي واخبرته عنوانها وذهب منطلقا للعنوان المطلوب امام احدى المباني بحي شعبي وهى عمارة طالبات وقفت اميرة امام باب الشقفة وفتحت الباب بمفتاحها الخاص معلنة وصولها نورا.... اااااااااميرة ازيك يا حبيبتى والله العظيم كنت هسافرلك بس الدكتور عمل امتحان الميد تيرم بدرى شهر عشان مسافر البقاء لله يا اميرة أميرة بحزن ... البقاء لله وحده نورا.. زعلانة مني انا عارفة والله ما.... ... اميرة مقاطعة .... خلاص خلاص يانورا انا عارفة ثم ربتت على كتفها مؤكدة: انا عارفة يانورا انك جدعة وانه غصب عنك ولو حد تاني مش هصدقه لكن انتي مصدقاكي نورا ... على فكرة ليلى ونيرمين سألو عليكي بردوا وزعلوا عشانك اميرة ... زعلوا ؟؟ أشك نورا ... اممم عموما مالكيش دعوة بحد انا جانبك ماتقلقيش ومش هخلي حد فيهم يضايقك تاني واللى هتيجي جانبك هض*بها ها ابتسمت اميرة امام دموعها شاكرة نورا ..... لا ض*ب ااايه كلها سنة ومحدش فينا هيشوف التانى مالوش لزوم ربنا يهديهم ... بصي انا هقوم أخد دوش وادخل أنام تعبانة أوي ومصدعة نورا .. يعني مش هتاكلي ده حتى النهاردة عملت بشاميل اميرة ... بالهنا والشفاء انتي يانورا مش قادرة بجد نورا ... طيب اصحيكي امتى؟؟ اميرة بدموع .... ما تصحينيش مش عايزة اقوووم ثم سقطت على الارض باكية وجرت عليها نورا واحتضنتها هى الاخرى باكية نورا ... ماتبقيش كده لازم تقوى ... أبوكي مش هيبقى مرتاح وانتي كدا اميرة بصريخ: بابــــــــــــا بكت كثيرا وهى تحتضن نورا وترتجف من البكاء والحزن ونورا تربت على كتفها بحنان ظلت على هذا الحال ولم تعرف عدى كم من الوقت حتى هدأت تدريجيا دون أن يهدا حزن قلبها نورا .. ادخلي نامي وارتاحي شوية وهسيبك لحد ما تصحى وماتقلقيش انا روحت للدكاتره بتوعك وقلتلهم عشان غيابك وكدا وظبطلك كل حاجة اميرة بصوت مخنوق بالدموع ..... أنا مش عارفة اقولك اايه نورا ... ماتقوليش حاجة ياع**طة دي اقل حاجة ممكن اعملهالك يلا ادخلى ارتاحي شوية ... ثم ذهبت معها لداخل الغرفة التى بها سريرين لهما ودخلت اميرة فراشها واغمضت عينيها فى سكون ونامت تدريجيا نظرت نورا لها فى شفقة بعد أن غطتها واقفلت نور الغرفة وخرجت لتجهز الغداء واستوقفها رنين هاتفها نورا وهى تمسح وجهها من الدموع ...... الوووو تامر ... ايوة يا هانم كنتى فين بقالي ربع ساعة عمال ارن على سيادتك نورا .. معلش يا تامر اصل اميرة صحبتى جت.. ( ولم تقدر على التحكم بدموعها) تامر ..... طب بس بس اهدى كدا ،اميرة دى اللى حكيتيلي عليها نورا .... ايوة جت النهاردة وصعبانة عليا أوي يا تامر مش قادرة تتحمل فراق ابوها ربنا يصبرها ياارب تامر ... لا حول ولا قوة الا بالله ..طب بطلي عياط بقى المفروض انتي تقويها لما انتي كدا اومال هى عاملة أزاي نورا ... مدمرة تامر ... حبيبتى انا عارف انك طيبة اووى وهتفضلي تعيطى جمبها بصي حاولي تهديها كدا وتصبريها واضحكي فى وشها ولما تعوزي تعيطي ياستى اتصلى بيا وامرى لله نورا وهى تبتسم .... تامر تامر ... ياروحه نورا .... مش عارفة اقولك إيه تامر ... قوليلى ياسبعى نورا وتحاول رسم ضحكتها طب اقفل بقى ياااا تامر ... إيــه نورا .. ياخويا تامر .. اخوكى طب يلا اقفلي نورا قفلت بسرعة قبل ما تنفجر من الضحك واكملت الغداء وبعدها بساعتين دق جرس الباب جرت على الباب لتفتحه قبل أن تستيقظ اميرة منزعجة نيرمين .... انتي كنتي نايمة جنب الباب ولا ايه ؟؟! نور .....ولا نايمة ولا حاجة يا نيرمين اميرة نايمة جوا ومش عايزاها تصحى إلا لما ترتاح وتصحى لوحدها نيرمين بجفاء ... هى جت ... طيب نور ... نيرميــــن اياكى تكلميها ولا تضايقيها تانى سيبي البنت فى حالها حرام عليكي كفاية اللي هي فيه نيرمين بلا مبالاة .... براحة على نفسك شوية يانورا فيه إيه وبعدين مين دي اللي أعبرها اصلا ، ريحي نفسك دى ماتشغلنيش اصلا ومتخافيش مش هكلمها قوليلي بقى عاملة اكل ااايه انا ميته من الجوع نورا ....عاملة بشاميل بس فين خيال المأته بتاعك مش شيفاها يعني! نيرمين بضحكة.. تحت بتجيب الشنط من العربية ، النهاردة يابت يانورا اشتريت شوية فساتين انما ااايه جامدين أخر حاجة تحدثت نورا وهي تشعر بملل من قصص نيرمين التي لا تنتهى ...بقولك اايه انا رايحة احضر الغداء وسمعت صوت خطوات ليلى تقترب حتى دخلت من الباب التي لم يقفله احد ليلى .... خدي يا نيرمين الشنط اهيه هاتي بقى الفستان اللى جيبتهولى عايزة اقيسه تاني نيرمين .. تقريبا فى الشنطة البنى شوفيه وخوديه نظرت نورا من بعيد لليلى باستحقار فليلى تفعل أي شيء حتى تاخذ ما تريد دون أن تعير اهتماما لكرامتها وعزة النفس نيرمين .. يلا يا نورا جعاااانة نورا بغيظ .. نيرمين هو انا شغالة عندك عايزة تأكلي قومي حضري معايا الاكل نيرمين بنفاذ صبر .....يعني انا جاية وبلف طول النهار وعايزاني كمان اعمل اكل اووووووف ليلى .... بقولك إيه يا نيرمين اديلها البلوزة دي يمكن تحن علينا شوية نورا بعصبية .. احترمي نفسك يا ليلى ليه هو انتي فكراني زيك رامية كرامتي ليلى .. رامية كرامتك قصدك اايه ؟؟ نيرمين .. كفايــــــــة انتوا مش هتبطلوا خناق بقى اسكتوا؟!، وانتي يانورا مش بتقولي اميرة جوا ومش عايزة تزعجيها يبقى اسكتي بقى نورا وقد رجعت ادراجها لتكمل الغداء حتى لا تسبب في شجار لا لزوم له اما ليلى وقد اقتربت من نيرمين هامسة ... انتي مستحملة الاتنين دول أزاي !! نيرمين .. بطلي غباء يا ليلى نورا معايا فى نفس الكلية وبتساعدني لو ماحضرتش المحاضرات ومش بقلق وبغيب براحتي وكمان طباخة هايلة وست أميرة بقى هى ونورا اصحاب وهتتقمص عشانها يعنى كله مصالح ليلى .. أنا مش عارفة انتي سايبة فيلا طويلة عريضة وقاعدة هنا أزاي نيرمين ... انتي مش هتبطلي كلام فى الموضوع المق*ف ده بقى يووه قالت ليلى .... خلاص خلاص ولا تزعلى نيرمين ... يلا روحي ساعدي نورا عشان ناكل جعانة يا نااس ليلى بزهق ... لازم يعني؟! نيرمين بلهجة أمرة .. امشى روحي ساعديها ليلى بتأفف ... طيب ثم وضعوا الطعام على السفرة وجلست نيرمين وليلى يأكلون بنهم واضح وكادت تجلس نورا حتى وقفت ثانيا واستشعرت بعض الحرج في ان تأكل وتترك اميرة نائمة ولابد انها جائعة. وذهبت اليها وفتحت الباب بهدوء وتفاجئت ان اميرة ممددة وليس نائمة وتنظر للسقف وتائهة بخيالها الحزين نورا .... اميرة اوعي تقولي انك مانمتيش اميرة ... لا نمت لسه صاحية من عشر دقايق كدا نورا ... طب بصي انا هجيب الاكل وهناكل هنا اميرة ... كلي انتي يا حبيبتي ماليش نفس صدقيني نورا .... اسكتي خالص مالكيش دعوة هتاكلي يعنى هتاكلي إلا واقسم بالله ما أكل انا كمان يرضيكي يعني اميرة بضيق ... طب بتحلفي ليه بس انا بجد ماليش نفس نورا .... الاكل مالوش دعوة كلي عشان تقدري توقفي على رجليكي وتحققي حلم والدك وتتخرجي .. انا هروح اجيب الاكل انا عملت حسابك وعينتلك منابك على جنب عشان المفاجيع اللي برا دول ثم ذهبت واحضرت الطعام وتوجهت لغرفتها ودخلت وجلست امام اميرة ووضعت امامها الطعام واخذت تطعمها اميرة : خلاص كفاية كدا بقى يا نورا مش قادرة بجد نورا : طب الحته دي بس والنبي اميرة : ماشي بس دي أخر حاجة هاكلها نورا : اوك وبعد تناول الطعام احضرت نورا اكواب عصير المانجو وأخذت كوب وناولته لأميرة اميرة : وكمان عصير انا مابقاش في فمعدتي مكان للمية حتى من البشاميل بتاعك نورا متصنعة الحزن : قصدك إيــه اكلي وحش يعني! اميرة : لا يا حبيبتي والله بس من كتر ما اكلك حلو وانتي أكلتيني كتير مافيش مكان خالص .. نورا وهى تحاول ان تشغل بالها بمواضيع اخرى وتبعدها عن حزنها شيءً فشيء: ماشى ياختى ولا عشان اكلك حلو انتي كمان يعنى بتعيبي عليا نظرت لها اميرة وعلى وجهها ابتسامة شاحبة: خلاص بقى معلش ثم سكتت اميرة سارحة واخرجت هاتفها واتصلت بوالدتها اميرة :: الوو خديجة (الام ) :: الوو ايوة يا اميرة ايوة يا حبيبتي طمنيني عليكي انتي عاملة اايه دلوقتي اميرة :: ايوة ياماما انا الحمد لله حبيبتي كويسة وأنتي عاملة ايه ؟؟ خديجة بصوت مرتجف :: الحمد لله يابنتي ... بقولك ااايه اميرة :: ايه ياماما في حاجة خديجة : انا يابنتي اتصلت بعمامك النهاردة وكلمتهم عشان كنت عايزة ابيع الاربع قراريط بتوع ابوكي اللي في الشرقية اميرة ... ليه كدا ياماما عايزة تبيعيهم ليه ؟؟ خديجة ... يابنتي انتي بتتعلمي وفى أخر سنة ومصاريفك مش شوية والمعاش عبال ما اقبضه هياخد لفة ووقت مش اقل من تلات شهور وغير كدا المعاش مش هيكفيكي مصاريف انتي لوحدك طب اعمل ايه بس يابنتي ؟ اميرة بحيرة: سبيها على ربنا ياماما وان شاء الله كله هيبقى تمام وبعدين انا في اخر سنة ماتقلقيش خديجة .... لا يابنتي انا قلقانة انتي فى اخر سنة اه، بس انتي في أول شهر ونص ولسه قدامك بقيية السنة، مصاريفك يابنتي والكتب واكلك وشربك وابوكي الله يرحمه كان بيتصرف من المرتب طب دلوقتي اعمل انا ايه؟! والمعاش هيبقي مش محصل نص المرتب وكمان هقبضه بعد تلات شهور اميرة بحزن .... طب وعمامي قالولك إيه ياماما ؟؟ خديجة بألم ... كل اللي فهمته منهم يابنتي انهم مش بيبعوا أرض من ارضهم والايجار بيوصلنا كدا كدا، وايجار السنة دي دفعوه قبل ابوكي ما يموت بشهرين اميرة .. ما تكلميهمش تاني عشان خاطري احنا مش محتاجين حاجة من حد خديجة ... طب ومصاريفك يا اميرة ؟ اميرة: ما تقلقيش ياماما دى سهلة هروح شئون الطلبة واقدم شهادة وفاة بابا وهما هيتصرفوا ويعفوني من المصاريف ما تقلقيش وإن كان على ايجار الشقة هنا انا اصلا دفعاه شهرين مقدم والكتب انا جبتها اصلا ياماما ما تقلقيش خديجة ... ربنا يطمن قلبك يابنتس انتي ريحتيني شوية وعلى ما المعاش يتقبض ربنا هيحلها اميرة ... بالضبط والله كله هيبقى تمام ولا تقلقى نفسك وكمان انا معايا مصاريفي الشخصية وهتقضينى لحد ما ربنا يف*جها خديجة ... ماشى يابنتي ربنا يريح قلبك دنيا واخرة اميرة: .. الله... عايزاكي تدعيلى على طول ياماما اوعي تبطلي دعا خديجة: بدعيلك دنا مش بدعيلك بس بل**ني بدعيلك بقلبي يابنتي ويعلم ربنا انى راضية عنك اميرة ... تسلميلي يا حبيبتى يارب .. انا هسيبك انا بقى ياماما وهروح انام عشان الجامعة الصبح تصبحي على خير خديجة .. وانتي من اهله يابنتي ثم قفلت اميرة هاتفها ونزلت دموعها مجددا دلفت نورا للغرفة وقالت: . تاني يا اميرة؟! بطلي عياط عشان خاطري اميرة .. أول مرة اكدب على امي نورا ... منا استغربت انتي ما دفعتيش ايجار شهرين ولا شوفتك جيبتي كتب! وحتى الجامعة لو قدمتي شهادة وفاة والدك مش هيعفوكي من المصاريف كلها.... بس انا مقدرة إنك كنتي عايزة تطمني اميرة وهى تمسح دموعها: قوليلي طيب يا نورا كنت هعمل ايه غير كدا ؟ دنا لو قلتلها كدا ماكنتش هتنام الليل وهتفضل قلقانة والاصعب انها مش قدامها حل غير كدا. نورا: هي مش قدامها حل بس انتي قدامك.. اميرة بلهفة ... أزاي طيب ؟ نورا .... تشتغلي اميرة بسخرية .. وتفتكري يعنى اني هلاقي شغل يتوافق مع الكلية والمرتب يكفي مصاريفي نورا ... بصي اللي بيدور بيلاقي .. وناس كتير جدا بتدرس وبتشتغل ده اصلا بقى العادي اميرة ... ياريت الاقي يااارب نورا ... بس تفتكري مامتك هتوافق تشتغلي وانتي بتدرسي اميرة بألم ... مش هقولها يا نورا مش هقولها عمرها ماهتوافق نورا ... أزاي يا اميرة يعنى هتشتغلي ومش هتقوليلها وبعدين انتي كدا كدا ماهتشتغلي لما تخلصي!! اميرة: اكيد طبعا بس ساعتها هشتغل بشاهدتي ومش هكون بدرس ومش تحت ضغط ساعتها هتوافق انما دلوقتي مستحيل توافق انا عرفاهاا كويس نورا: فكرى كويس يا اميرة انا معاكي انك تشتغلي بس مش معاكي انك تخبي على والدتك اميرة ... مش قدامي حل تانى يا نورا سامحني يارب اني هكدب عليها بس غصب عني نورا .. بصي حتى لو ما قولتيلهاش انتي مش هتعمل حاجة غلط او عيب بالع** وما تقلقيش انا معاكي اميرة .. الحمد لله يا نورا انك موجودة جمبي فى الوقت ده بجد ماكنتش عارفة هعمل اايه نورا .. ولا يهمك يا حبيبتي انا جانبك ومش هسيبك وهدور معاكي .وعدى الوقت ودقت الساعة الحادية عشر مساءً جلست نورا فى الصالة تفكر وهى تحتسي مشروب ساخن وجالس بجوارها نيرمين تقلم اظافرها وليلى ممسكة بريموت كنترول الشاشة تقلب بين القنوات نورا: ليلى اديني الجرنال اللي جانبك ده ليلى متذمرة ... ماتقومي تاخديه نورا بعصبية ... ماهو جمبك يابنتي... يبااااي عليكي ثم قامت نورا واخذت الجرنال من فوق المنضدة الصغيرة وجلست مجدداً، ثم بحثت عن صفحة الوظائف الخالية ونظرت بتمعن وبحثت. نيرمين: حد يقرأ جرنال الساعة ١١ بليل ايه الثقافة دي! وبعدين انتي فاتحة صفحة الوظائف ليه بدوري على شغل ؟! نورا غير مبالية ... حاجة زي كدا ليلى ... عايزة تشتغلي يا نورا وخطيبك هيوافق ؟! نورا ... مالكيش دعوة يا ليلى شيء مايخصكيش ومالكيش دعوة بخطيبي اللي في كل جملة لازم تذكريه ده ليلى .. انا الحق عليا اني خايفة عليكي وخايفة لتزعلوا مع بعض نورا .. يا ساتر عليكي انتي ااايه؟! دبش كده فكلامك على طوول نيرمين ... لا بجد يا نورا انتي بدوري على شغل ! وكادت نورا تجيب حتى أتاها صوت اميرة من بعيد يقول. اميرة: انا اللي هشتغل وهى بدور معايا على شغل ارتاحتوا نيرمين ببرود ... اميرة اخيرا صحيتي البقية فى حياتك اميرة ...حياتك الباقية ليلى ... البقاء لله يا اميرة اميرة .... البقاء لله وحده نيرمين ... انتي بدوري على شغل يا اميرة انتي لحقتي دانتي لسه راجعة النهاردة من بلدكوا!! نورا وكادت أن ترد بعنف على نيرمين نظرا لقلة ادبها في الحديث، حيث اسكتتها نظرة من اميرة اميرة.. اه بدور على شغل لو ماكنش ده يضايق حضرتك يعني نيرمين بغيظ ... وهضايق ليه ان شاء الله ؟ أميرة بنفاد صبر : اصل انا ملاحظة انك بتضايقي من أي حاجة انا بعملها ومركزة معايا حبتين، وعموما اوعدك لما الاقي شغل اجي اقولك هشتغل اايه بالضبط وفين والميعاد ....!