EIDE
Napasinghap si Zaila at agad akong binalingan. “Ate Eide, may gusto sa ‘yo si Kuya Kaio?”
Bumuntong-hininga ako. Kinalma ko ang sarili para maiwasang tarayan si Serenity. Bagong salta lang ako dito, kaya ako ang dapat na mag-adjust. Pero kapag inubos niya ang pasensya ko, baka magbago ang isip ko.
“Baka matawa na lang si Lekaio kapag sinabi mo ‘yan sa kanya, Zai. Ask your brother why Travis is looking for him,” sabi ko at nilipat ang tingin kay Serenity, na nakataas ang kilay at nakatingin din sa akin. “Uso siguro ang magtanong muna bago manghusga,” mataray na dagdag ko.
Para kay Serenity ang sinabi ko. Para ipamukha sa kanya na mali ang iniisip niya.
Umikot ang mata niya bago tumingin sa ibang direksyon. Mukhang ayaw niya sa akin. Pwes, hindi ako ang tipo ng tao na ipipilit
