EIDE
Kumuha ako ng dalawang canned beer at tinungo ang kwarto ni Betsy. Susuyuin ko ng makabawi naman ako sa kanya. Dalawang beses akong kumatok bago niya binuksan ang pinto. Alanganin akong ngumiti at inabot ang beer na hawak ko.
“Inuman tayo?” nakangiting yaya ko sa kanya. Umaliwalas ang mukha ko nang kinuha niya ang beer at lumabas sa kwarto niya. Umupo kami sa sala. “Pasensya ka na. Kasalanan ko kung bakit hindi kayo natuloy ni Marco.
Binuksan niya ang canned beer at tinungga ang laman nito. Pagkatapos, sinulyapan niya ako. Nagsalubomg ang kilay ko dahil bakas sa mukha niya ang pag-aalala.
“Okay lang ba kayo ni Travis?”
Nagpakawala ako ng malalim na buntong-hininga at nilagok ang binuksan kong beer. Pinatong ko ang paa ko sa sofa at nilagay ang kamay sa tuhod ko, saka tinitiga
