EIDE
Maya’t maya kong sinisilip ang cellphone ko. Alas dos na ng hapon, pero hindi pa rin niya ako tinatawagan. Chopper ang sinakyan niya at kanina pa siya umagang umalis, kaya imposibleng hindi pa siya nakarating sa Maynila. Bigla akong napaisip na baka may nangyari sa kanyang hindi maganda, kaya hindi pa niya ako tinatawagan hanggang ngayon.
Pinilig ko ang ulo ko. Ano ba itong pumapasok sa isip ko? At saka, bakit ko ba siya iniisip?
Bumangon ako sa kama at lumabas ng silid. Lumabas ako sa cabin at pinuntahan si Ark. Hindi ko pa na-iikot ang El Casa's Cabin, kaya hindi ko alam kung alin sa mga cabin na nandito naroon si Ark.
“Ark!” tawag ko sa kanya. Nilakasan ko ang boses ko para marinig niya ako. Mayamaya lang ay bumukas ang isang cabin. Napangiti ako nang lumabas dito si Ark. Ng
