EIDE
Tiningnan ko lang silang dalawa sa labas. Nag-aapoy ang mata ni Travis habang nanggigigil na hawak ang lalaki. Hindi ko marinig ang sinasabi niya sa lalaki dahil halatang sinadya niyang ‘wag iparinig sa akin.
Napansin kong tila natigilan siya nang may sinabi ang lalaki sa kanya. Hanggang sa tumingin siya sa direksyon ko. I wonder kung ano ang sinabi ng lalaki sa kanya dahil parang hindi siya makapaniwala sa narinig niya.
Umiigting ang panga na hinatak niya palayo sa hood ang lalaki at marahas itong tinulak. Muntik na itong sumubsob sa sementadong daan.
“Oras na makita ko pa ang pagmumukha mo, sa ilalim ka na ng lupa pupulutin!” Narinig kong banta niya sa lalaki. Sa halip na matakot, ngumisi lang ito sa kanya at bumalik sa sasakyan nito, saka pinaharurot palayo sa amin. Nang mal
