EIDE
Hindi ako makatulog. Kaninang alas diyes ko pa sinusubukan matulog, pero alas dose na ay gising pa rin ako. Kahit ano-ano na ang ginawa ko para lang makatulog ako, pero nanatiling gising ang diwa ko.
Bumangon ako at pumunta sa balkonahe. Napahugot ako ng malalim na buntong-hininga pag-upo ko pa lang sa upuan. Sumandal ako sa sandalan ng upuan at pinagmasdan ang kumikislap na ilaw sa mataas ng mga gusali. Makalipas ang ilang minutong pagmamasid sa paligid, pumikit ako.
Hindi ko mapigilang ngumiti nang sumulpot sa isipan ko ang maganda niyang ngiti. Nagtataka pa rin ako sa mga ikinilos niya. Parang kakaiba talaga habang kasama ko siya kanina. Magkagayon man, kahit sumulpot ang lalaking iyon kanina, hindi nito nasira ang mood niya.
Kumunot ang noo ko nang marinig ang ringing tone
