EIDE
“Bitiwan mo ‘ko!” Nagpumiglas ako sa kanya nang hinawakan niya ako at pilit na hinihila para lumabas sa pinagtataguan ko. Ngunit mas malakas siya kaysa sa akin, kaya wala rin akong nagawa kundi lumabas. “Paalisin mo na ako dahil wala akong atraso sa ‘yo!” sabi ko at pilit na binabawi ang kamay ko.
Napapangiwi na ako sa paraan ng paghawak niya sa palapulsuhan ko. Kulang na lang ay pilipitin niya ang braso ko.
Marahas siyang pumihit paharap sa akin. “Ano'ng wala? Sigurado kang wala?”
Nagsalubong ang kilay ko. Wala naman talaga akong atraso sa kanya. Siya nga ang may atraso sa akin dahil hindi naman niya ako tinulungan hanapin ang card ko, bagkus, kinulong niya ako sa cabin niya. Kung tutuusin, pwede ko siyang kasuhan dahil parang pangingidnap ang ginawa niya sa akin. At ngayon,
