Nahampas ko sa braso si Joel. Imbes na tulungan kasi si Sir Danny. Tawang-tawa pa.
"Tumigil ka na nga sa katatawa, Joel! Ikaw ang may kasalanan kung bakit nangudngod 'yan!" turo ko si Sir.
"Bakit ako? Umatras lang naman ako. Kasalanan niya, lalasing-lasing hindi naman pala kaya, " depensa nito sa sarili.
"Tulungan mo na nga lang ako!" Papadyak akong naglakad palapit kay Sir Danny na hindi pa rin gumagalaw. Natuluyan na yata.
"Sir, bangon na po," tapik ko ang balikat niya. "Joel, tulungan mo nga ako."
"Bakit mo pa 'yan tutulungan? Sabi mo, masama ang ugali ng boss mo na 'yan!" Kinagat ko ang ibabang labi at sinamaan siya ng tingin. Daldal din pala nito si Joel.
"Kahit na masama ugali nito. Boss ko pa rin 'to. Bawi naman ang ugali niya sa Daddy niya! Ano, tutulungan mo ba ako o ma
