Sa sobrang gulat, napabitaw ako sa kamay ni Joel. Para akong dalagitang nahuli ng tatay na palihim na nakipag-date. Itong si Sir Danny naman kasi, parang Tatay nga kung makasikmat.
"S-sir... day-off ko po ngayon," aniko. Nautal na naman tuloy ako. "Namasyal po lamang kami," dagdag ko pa.
Pero teka, bakit ba ako nagpapaliwanag? Ano ba ang paki nito, kung mamasyal man ako sa araw ng day-off ko?
Kaya lang, imbes sa akin ang tingin ni Sir Danny. Nakipagtitigan ba naman kay Joel. Ganito rin sila no'ng unang pagkikita nila sa labas ng village.
"Tara na, Joel," sabi ko.
Hila ko na rin ang manggas ni Joel na ayaw din talaga patalo.
"Alis na po kami, Sir—" Ang sarap na pag-untugin ang mga ulo nila.
"Joel, tara na..." Sinadya kong maglambing para maawat ang titigan ng dalawa.
Naagaw k
