ARRIANNE POV
Sa sobrang sama ng loob ko kay Sir Danny ay umalis ako sa harap niya at basta na lang pumasok sa silid kahit walang pahintulot mula kan'ya.
Ang sama talaga ng ugali niya. Okay lang naman sana kung parusahan nga niya ako. Pero ang sabihin niya na hindi ko pwedeng makausap si Mama kasi mababawasan ang bigat ng parusa ko ay kalabisan na.
Hindi lang kasi ako ang pinarurusahan niya, kun'di pati na ang Mama ko. Ayokong magkasakit siya dahil sa pag-aalala.
Hinding-hindi ko talaga siya mapapatawad kapag may mangyaring masama kay Mama.
***
Nagising ako dahil sa naramdamang lamig. Nakatulogan ko pala ang pag-iyak. Bumangon ako at umupo sa gilid ng kama. Madilim na. Tanaw ko na kasi ang nagkikislapang mga bituin sa langit.
Talagang walang paki' ang boss ko sa nararamdaman ko.
