Napatingin ulit si Luis sa suot niyang relo. Damn it! 10 minutes na siyang nasa labas ng unit ni Bebe. Akala niya pa naman kanina hahabulin siya nito pag-umalis dahil sa nakikita niyang guilt sa mga mata nito.
Kailangan niya pang mag-drama para lang makuha ang loob nito. Pero totoo naman talaga ang sinasabi niya na kaya natagalan siya sa pagpunta ay dahil inayos niya pa ang issue sa school.
At totoo rin na na offend siya sa sinabi nito na isa siyang masamang tao–that he was a horrible person.
God damn it!
Nag-iisip siya kung ano ang magandang idahilan para makabalik sa loob ng unit nito. Tumagal pa ulit ng ilang minuto bago siya nakaisip ng rason. Napangiti siya nang maalala ang pizza.
Hindi na siya nagdalawang isip na mag-doorbell. Nakailang pindot din siya saka binuksan ni Bebe.
