Naiwan ako saglit sa bahay at nag-grocery si Aya. Hindi niya na ako pinasama lalo pa at sumasakit din talaga ang balakang ko. Nakaupo lang ako sa couch at nanonood ng TV nang marinig ang doorbell. Tumayo ako at binuksan iyon. Nagulat pa ako nang makita si Mommy Sarah.
“M-Mommy, pasok po,” saad ko at nagmano. Ngumiti naman siya nang tipid at pumasok na sa loob. Umupo siya sa couch at napatingin sa paligid.
“Wala po si Aya. Nag-grocery po ngayon,” saad ko.
“Hindi ka sumama?” usisa niya. Kita ko pa ang bahagyang pagtaas ng kaniyang kilay.
“Erm, hindi po eh. May ginagawa po kasi ako kanina,” sagot ko. Tumango lamang siya.
“Ikukuha ko po kayo ng maiinom saglit lang po ah,” ani ko. Tumango naman siya.
Habang nasa kusina ay panay ang paghinga ako. Hindi ko kayang salubungin ang tingin
