Dahil sa pangyayari ay ipinasya ni Vrenda na mag-leave sa opisina. Down na down ang pakiramdam niya at sa tingin niya ay hindi magandang pumasok pa rin siya dahil baka mabuntunan lang niya ang mga empleyado. Minabuti niyang umuwi sa mga magulang at doon magpalipas ng sama ng loob. Bagaman sinisikap niyang hindi ipahalata sa mga ito ang kanyang dinaramdam, hindi naman nakaligtas sa mga ito ang awra niya. Lingid sa kanya'y nag-u-usap ang mga ito at iniisip kung ano ang problema niya.
"Hija, ano ba ang problema, anak? I know na hindi tayo ganoon ka-close pero pwede kang magsabi sa akin. Makikinig ako. Nag-a-alala na kami ng Daddy mo sa'yo." Hindi niya namalayan ang paglapit ng ina isang umagang nasa lanai siya at gaya ng ilang araw niyang pamamalagi rito ay mag-isa siya. Isang tipid na ngit
