Chapter 26
Arianna's POV
Tuloy-tuloy ang pasok ko sa aming bahay, at kagaya ng inaasahan ay nadatnan ko ngang magkausap sa sala sina Mama at Papa. Hindi ko kilala ang kotse niyang dala, mukha lang iyong bago o bagong gamit, pero nahulaan ko kaagad na siya nga ang aming bisita, kung hindi man ay bagong lalaki ni Mama. Alin man sa dalawa ay ayoko pa rin makita nila si Jackson. Hangga't maaari ay ayokong madamay si Jackson sa mga kalokohang pinapasok ni Mama. At ayokong malaman ni Papa na may koneksyon ako sa kahit isa lang sa mga mayayamang negosyante na maaring magkaroon ng kaalaman tungkol sa ugnayan namin. Same reason kung bakit nagalit siya nang malamang ako mismo ang nagluto para sa De Luca and Garcia engagement.
Napatingin sila pareho sa akin. Ngumiti sa akin si Papa at tumayo bilan
