Chapter 25
Arianna's POV
Nang maalimpungatan ako ay kinapa ko ang gilid ko. Gusto ko sana ulit yakapin si Jackson, ngunit wala na akong makapa, kaya napamulat na ako para tingnan kung nasaan siya. Wala na nga siya sa kama. Nilibot ko ng paningin ko ang buong silid, ngunit wala na talaga siya sa kuwarto. Medyo pagod pa ang katawan pero bumangon na ako. Hindi ko alam kung anong oras na o kung gaano na ako katagal na natutulog, pero base sa sikat ng araw na kita ko rito mula sa bintana ay alam kong tanghali na.
Napapikit ako ng marahan nang sa paggalaw ng hita ko ay dama ko pa rin ang ginawa namin ni Jackson. Ngayong mag-isa na lang ako ay sinubukan kong mag-isip ng tama, kung tama bang ibinigay ko ang sarili ko sa kaniya? Naimulat ko bigla ang mga mata ko nang biglang pumasok sa isip ko a
