DAHAN-DAHAN NA ISINARA ni Alleah ang pinto ng kuwarto ng alaga. Napatulog na niya si Charisse kaya puwede na rin siyang matulog. Laglag ang kanyang balikat na malungkot na naglakad. Akala niya ay makakalaya na siya sa bahay na iyon, pero heto at balik sa pagiging yaya siya. Kung kay Charisse naman ay okay na okay na sana ang trabahong 'to... kaso lang.
"We need to talk!" boses ni Kael na nagpatigil sa pagmumuni-muni niya.
Kaso lang may impaktong hindi niya makasundo, and speaking of the impakto. Ito na naman. May alam na namang we-need-to-talk we-need-to-talk.
Kaasar!
"Inaantok na ako," walang ganang wika niya na ipinagpatuloy ang paglakad.
"Kapag hindi ka makikipag-usap nang maayos sa 'kin ngayon! I will triple the one hundred thousand! And I mean it!" subalit babala ng binata.
"Ay
