حلات الحب عذابه

قطة شرسة

گالت الي مرت حازم ..مااخذ برأيج انه .. يمه قطه وهجمت عليها .. وادافع بيها .. وگتلها هيه لجج اخوج هذا مااخذه لو تتثالث الدنيا مفهوم ..شوفيلج غيري مخبله ترضا بي

زهره..لا مو هيه بكيفج ..الشغله مستويه ورايحه وحازم موافق ..يجي يتفاهم وياج

نور...هي انت ام السحوره سحورتج مو عليه خليهه بس على رجلج الط.... موعليه واخوج مااخذه لو مو حازم هسه

زهره ...ولي يلا ماتعب نفسي وياج .. يجي اخوج يتصرف وياج .. وراحت

بقيت احرگ بروحي ..هي هاي شنو وتتحكم بيه ..بالاخير اجت امي .. گالت ها يمه شبيج شبيكم انت ومرت اخوج ...

نور...يمه تريدني لاخوها محيسن مااريده مااريده شنو كوه ...كعدت امي يم باب الغرفه تعبانه من وره الجهال خطيه بس تركض وراهم ..كالت مو احسن الج .. من هالكعده هنا .. گتلها ..يمه صدك تحجين هذا سكير ومتعاطي والكل تشكي منه مااريده هي كوه محد ينطيهم مره جتي عليه

ام نور...يابنيتي كصري حسج لاايجي اخوج يسمعج ...

نور..شيريد يسوي يعني .. متعوده انه ومااريده ومااقبل بي .. مرت الساعات عليه سم بسم .. اخير شي اجه حازم .. واكيد مرته نحشته عليه .. واجه تهديد وض*ب وكلشي .. صار الليل بس ابجي .. علاء يتصل مااجاوب عليه كاعده ع السرير وابجي والغرفه ظلمه .. اخير شي جاوبته

الوو

علاء..الو خيرج متجاوبين

نور .. اسفه حياتي ..بس تعبانه

علاء... خيرج يبت گلبي بيه التعب ولابيج احجي شبيج

نور...اسم الله عليك.. بس دافكر بالنتيجه

علاء...امم ههه ماعرفتج تهتمين لشي اني اي .لج طلعت ع النت باجر اشوفها الج

نور..فدوه الكلبك ..ماشي انتظر ..

علاء..نورايتي احجي لتضمين عليه شي

نور ... حبيبي ..مشاكل ويه اهلي

علاء...لج احجيلي خمو اذوج احجي نور لتضمين عليه

نور..حبيبي مشاكل تعبانه دائما هيج وي مرت اخويه وع الجهال ومن هالحجي

علاء...امم نور مااريد تضمين عليه شي ماشي اني ماحب تضمين عليه

نور..(شأريد احجي لأحجي)ليظل بالك حبي عادي

علاء...اليوم معاجبتني تره اذا اكو شي ياريت اعرفه ...وهسه روحي نامي تأخر الوگت باجر نتواصل

نور...ماشي حبب ..تصبح ع خير

ماگتله خفت انصدم من ردت فعله بس لو اموت ماااتزوج غيره ...

يوم ثاني كعدت .. اجت مرت حازم تره اليوم يجون اهلي ومحسن يشوفوج .. گتلها مااريد كالت مو بكيفج... وراحت .. اجت امي يمي گالت يمه ماشبعتي كتل البارحه اطلعي شوفي خسرانه خساره ..گتلها مااريد يمه مااريد گالت الخاطري بس طلعيلهم ..مااكدر اشوفه يكتلج ..ولج خاف اموت الليله ارحميني .. امي نقطة ضعفي اذا تگول كلمة موت .. مااتحمل ارفض الها طلب ..بوستها وانه دموعي وكعن ع راسها وروحي طالعه ومخنوگه ..لشويه خابرت احلام حجيت وياهه ..وابجي ..وحجيت الها كل شي

احلام ... ولج نوير هذا محيسن فلك اسود ولج يتعاطى ويشرب ويبوگ وعائلتهم صگد محد ينطي مره ويردون يورطوج بي ديري بالج

نور...خابرت تواسيني .. لو تزيدين همي

احلام ... ولج خايفه عليج ياعيني .. زين بلغي علاء

نور...شأكوله

احلام .. كل شي كوليله

نور...خايفه من ردت فعله حيل خايفه مااريد انصدم

احلام ..ماكنت اعتقد نورا ام ل**ن القويه الي جسمها يتحدى الكتل هيج تخاف باعي.اذا كلج راح ادز اهلي الكم هذا من صدگ يستاهل .. واذا كالج روحي الله يوفقج هذا طكي روحج بالنعال الف مره لمجرد فكرتي تحبيه

نور..احلام اني مو ذيج نور لا تغيرت وضعفت ولج الحب هد حيلي بس اوك رح اجرب ..احلام مناويه ترجعين

احلام ...لااخوج ناوي ع الزواج وانه اهلي ميقبلون اكعد ع ضره واني مناقصني شي

نور...حبيبتي مشتاقه الج البيت اظلم بدونج وعلاوي حبيبي مشتاقه اله كومه

احلام ...اخوج عينه زايغه وميشبع بس شاف هي الرخيصه وع كد فلوسه كال اتزوج ..

نور...حسبي عليهن امهات السحوره هجامات البيوت

احلام ..ادعي من گلبي يانوير ماتصيرين الهم چنه الله يقسمكم البعض انت وحبيبج ولو بعد حين

نور ...امين ...

احلام ...باي

نور ...باي

للعصر .ولخاطر امي لبست دشداشه عاديه

ولبست شال .. وياهه وكعدت يم امي بالغرفه وامي كل شويه تگلي عفيه يمه طيعيهم كافي راح تگضين من الكتل .. انه بس اهز راسي ودموعي تجري ..لشويه جتي مرت حازم تهز بيدهه هي شلابسه شنو مرت شهيد انتي

كمت من مكاني وامي تجر بردن دشداشتي طويل كلشي مغطي كفوف ايدي

گتلها باعي هذا العندي ايعجبج خير ع خير مايعجبج يطبج طوب اكو كم حايط اركعي راسج بي

زهره ...سهله نويره سهله انه اعلمج هين ولج هين

نور...ولي تعلميني .كعدت باوعت لامي دموعها تنزل حظنتها حييل حييل لحد حسيت دااذيهه گتلهه يمه ماتدرين شنو بگلبي ..وراها بشويه اجو وطبيت عليهم قدمت الهم الكلاصات ..العصير ..اشرت الي مرت حازم كعدي هنا كعدت كباله .. باوعتله مطول شعره ومليان جل يلعب النفس ولابس بدي احمر وبنطرون ابيض ..اباوع اله كله ع بعضه نشاز ..ومبين موطبيعي ويتعاطى مااكدر حتى اقارنه وي علاء.. شتان مابين هذا وذاك ... ظلوا يحجون وانه بالي مويمهم وراها بشويه ..طلعت مااتحملت رحت للغرفه باوعت الهم طلعوا .. اسمعها من الشباك تكول لامها .. مثل ما جبرتها تطلع اله اجبرها تقبل بالخطبه .. انه نار وشبت بيه ..تانيتهم يطلعون طلعت من الغرفه وتلگيتها بالباب تريد تطب للبيت .. كتلها شوفي زهره لاعبالج طلعت اله معناهه اريده لاتحلمين انت ويحلم هو ..طلعت علمود امي وبس هي گالت ببرود خنشوف .. وراحت ..

طبيت للغرفه ..بس ابجي اباع الرقم علاء وخايفه اگوله ..ياربي علاوي وهذا محيسن الهبش .. يبوي بس شوفته تلعب النفس

صار الليل وكت عشا ..يجون جهال حازم يمي ..اطردهم مااشتهيهم ..حازم عنده 3بنات ..اكبرهم عمرها 7سنوات والوسطيه 5والزغيره سنتين ..زهره حيل تغار من احلام لان عدها ولد ..

بقيت ع هالحال ..بين حيره ووجع وخوف من مجهول ..صارت ساعه 11بالليل والكل نايم ..الا اني ...خابرتني احلام .. الو نور شنو صار ..؟

نور..اجو وطلعت الهم وشافني

احلام ..خابرتي علاء خابرج ؟؟

نور..لا ميخابر هو الا اني اسوي اله مسكول او ادز اله مسج يگول يخاف عليه

احلام ..انتي خابري

نور... مدداكدر

7

احلام ...نور انت ليش متردي المحسن ؟

لان تحبي لعلاء ..او لان رافضته المحسن من كاعه ...

نور...احب علاء

احلام ..لعد تقوي وخابري وشوفيني ردت فعله يستاهل هالحب لو لا . شوفيني نورا الوكحه الادب سز ?

نور...ههه ماشي راح اخابره ..سديته منها وخابرت علاء..رأسا بدون تردد ..بس ايدي ترجف وگلبي هم ول**ني احس ثگيل ..اول مادكيت فصله ورد خابر ..رفعت خط

علاء.. هله ..ولج صار كومه انتظرج ..عندي الج بشاره

نور...گتله هله حبي بشر بصوت مخنوگ شويه بس حاولت شويه احسن صوتي

علاء..حياتي وگلبي ناجحه ..يارب كون اشوفج يمي ومرتي وحلالي. ...

نور...انه غصيت بجي وماحجيت

علاء.... لا هي شنو هالكد فرحانه بالنجاح

نور..علاء تحبني ..گلتهه بغصه ..ببلعومي بس بغصة وجع اكبر بقلبي

علاء..شكو معاجبتني هالايام ...حييل شبيج واذا عن احبج او لا فحجيلي وحتعرفين

نور...شهكت بجي وهو يكول احجي اسمع وحجيت اله كل شي ببجي

علاء ..وضميتي عليه ؟؟

نور..علاء فددفد

علاء..وطلعتيله ؟؟؟وشفتي كعدتي يمه حجيتي ويا وهسه جايه تگولين الي ؟؟

نور..احبك علاء

علاء..اسكتي دخيلج انت جذابه

نور...فدوه صدگني ونبي شبعت كتل ونبي الخاطر امي متحملت بس والله احبك انتحر اقتل نفسي اذا اصير الغيرك

علاء ...وينه وعدج الي وللموت هاا

نور...علاء عفيه كافي انه ضعيفه وحال الظيم ياحالي .. دااموت والله بين تلث نيران اني مو نارين ..نارك ونار امي ونار حازم ومرته ارحمني ..

علاء..هي هيه روحي ..مدام طلعتيله ولي من كدامي اكرهج ولي مدام مكتيلي من الاول ..

وسديته ..

نور..عفت الفون حتى الدمعه شهگت ونشفت بعيني ..متت قهر ..بعد نص ساعه دز الي مسج

علاء...كاعده نايمه ؟؟

نور..كاعده !!!ااتصل بيه

علاء...باعي طلعتج اله هي راح تتحاسبين عليها بعدين وحساب عسير ..بس باجر حظري نفسج راح اجيب امي ومرت اخويه الكم واخطبج ..

وللحكايه بقيه ....

ησяα