حلات الحب عذابه

خطبة وموافقة

أحبك لا اريد بعشگك الويل

أحب حبك عواصف وبيه أتلوة

شنو يعني حب وما يهد الحيل

حب تالي وكت وكلشي مايسوة

أريد بعنفوان أحساسك أشيل

وتتحمل عذاب وبرده تتجوة

هذا الحب يستاهل ركوب الخيل

وبصحراء عمري نعشك البلوة

نور....گال احبج ثلاث مرات ..وسده. فدوه يخجل ..اويلي .. عطت بالغرفه ميته فرح وگالها گال احبج گالها وشمرت روحي ع السرير .. عاد انفتحت الباب ..دخلت امي وج نويره وج وج وتتن*د خطيه وگوه تمشي وتجر نفس وتطلع كلمه .ووياهه جرة نفس .كمت من السرير رحت الها ....هايمه شبيج

گالت ..انه شبيه لو انتي شبيج تعيطين ..كمت لزمتها من ايدها وكعدتها يمي ع السرير ..گتلها يمه ماكو شي هيج ..

گالت ..ولج تبقين هيج رعنه ..ولج الي بعمرج مخلفات درزن جهال وانت تعيطين نص الليل ...اعقلي صيري ادميه ..انه منزله راسي وبس اضحك ..واگول بگلبي يمه اعذري بنيتج .. تره عاشگه ومجنونه .. نومتها ع سريرها بوستها من ايديها وراسها وغطيتها وگمت .. رحت ع الشباك اباع ع القمر واتنفس وشكد فرحانه الدنيا ماواسعه فرحتي وماكو شي افكر بي غير علاء...

علاء....شگد حلوه كلمة احبج ..واني اكولها الها بصدق ..موبكذب وزيف ..كلتها واني اعنيها احبج وكررتها 3مرات ..ابد موقصدي لعب لا حبيتها بصدگ رغم هي مو كلش مثاليه ولاجمالها خارق ..هي عاديه بس عشقتها وعشقت كلشي بيها لحد ازغر تفصيل بيها وعشقت حتى خبالها .. نمت الليل ويوم ثاني من الفجر رحت للعلوه اتسوگ ..

نور...كعدت الصبح متأخره يادوب الحگ ابدل چيكت الفون ماكو شي من علاء واني هم ماالحگ ادز اله مسج گمــت غسلت وبدلت الكل نايم بس امي بالمطبخ والجهال يگعدون وكت امي تسوي الهم ريوگ..صبحت عليها بوستها ووكلت للجهال مو تأذون امي خوش واحرك اللهم بصبعي اهددهم بي اريد اطلع امي صاحت عليه ..تريكي گتلهه مااشتهي وكفت بالطرمه اللبس الشوز مالتي طلعت ورايه مسويه الي لفه وكوه تمشي بوستها ع ايدها وگلت الها الله لايحرمني منج وطلعت ..

عاد صعدت سياره وقبل لاافوت ع السوگ گلبي يرجف ..يبو هي مشفتك وهيج اذا اشوفك شيصير بيه .. خرب يومك علاوي شسويت الي وهيج عشگتك ..فاتت السياره من يم البسطه مالته شفته لازم بيده فلوس ديحسبهن ..ابتسمت بس هو ممنتبه الي ومااشافني .فدوه يربي .دعيت بقلبي .. ربي ارزقه من اوسع ابوابه ..يستاهل حبيبي .. رحت للمدرسه ..وخلص اليوم بقيت واكفه يم المدرسه .. انتظر الوقت يمشي حتى السوگ يخف وانزل يمه ..نزلت قبل السوگ ورحت اله للبسطيه ..دخلت عليه فز هو واباوعله خجل عبالك ..بس اني ماخجلت بس شعور الحب بقلبي .. گال شجابج گتله اريد اشـــتري تفاح ميصير

علاء...هه اول مره اشوف تفاح ياكل تفاح وگرصتها من خدهه ..

نور... هههه يله تبايعني .. هو ضحك ودنج بخجل فدوه للخجل مالته

علاء.. كمت اخذت تفاح وعبيت العلاگه .. ونطيته الها وهي تباوع عليه وتضحك.. گتلهه عفيه انت متخافين متخجلين اشو يله اخذي التفاح وارجعي كدامي للبيت ..

نور..اخذت منه وطلعت فلوس .. ومديت ايدي انطيهيا.. لزم ايدي وعصرها وگال ضمي فلوسج وگدامي للبيت ..

نور..راح تعزل ..وتجي ورايه (مبتسمه)

علاء...اي راح الم البسطيه واجي وراج امشي

نور..اوكي ..ابتسمت ورحت امشي ع بطئ

احسه يمشي ورايه ..صرت اتلفت اله ظل يخزرني ..ضحكت ومشيت ..شكد حلو الاحساس ان هو ورايه ..حلو احس اتنفس من نفس الهوا الي يتنفسه .. والخوف ماكو بقلبي.. وصلت للبيت بقيت واكفه بالباب .. الا ان فات هو يخزرني .. دخلت للبيت شفت امي بالطرمه ركضت الها .فرحانه بوستهه كالت شبيج فرحانه گلت الها احبج كالت يرويحتي انتي الله يدوم فرحج ..رحت الغرفتي..دخلت شمرت نفسي ع السرير اجت الي احلام .. وظلينه نحجي

احلام ..ولج شعدج البارحه بالرصيد المن تخابرين

نور...حلئوما ..ههه ردت اخابر صديقتي ع الدروس وكذا ..نزعت الشال وفتحت شعري اللعب بي

احلام ...نويره ال**ولي تهتم بالدروس جذابه ..اتضمين عني شي ولج

نور...رحت حظنتها وبوستها ولج حلئومه احب احب احب ..وابوسها

احلام..شنهووو ...وهذا منو تعيس الحظ الي راح يتورط بيج وبأخوانج ..

نور...عفتها ..اووه اسم الله ولج عليه من تعاسة الحظ ..تدرين منوه ..احزري احلام احزري ..

احلام ..احجي لااالزكج هسه

نور...تعرفين الولد الي اخواني تهموني ويا

هو نفسه ..وصرت اطكطك باصبعي واهز بأكتافي واني كاعده

احلام ...جذذذذب ..ولج موهينه انت طلعتي والسالفه صدك

نور..ولج للاااع ..بعد ماصارت السالفه تعرفنه وحجيت الها كل شي ...

احلام ...يامسكين ياعلاء راح يتورط وينشلع گلبه

نور...اسم الله عليه

احلام...نور ديري بالج لاتورطين الولد

نور..شوورطه هو يحبني

احلام ...وشمدريج

نور...يخاف عليه حتى من نفسه .. شويه واتصل علاء .اشرت الاحلام عود هو . فتحت خط

نور .. الووو

علاء...اشتعلو ولج اخر مره امشي وراج هواي خفت عليج .. لا واحد من اخوانج يشوفني وراج ..

نور..تخاف منهم علاوي ؟!

علاء.. ولج مااخاف والله اخاف عليج

نور...ههه لتخاف هم بس بوخه .. عادي عدهم يشوفوني وياك ويطكوك كم مليون وخلصت راحت

علاء.. اذا هيج لعد ماشي عادي ههه كم نور عندي ..

نور... نوب احلام تدحس روحها .. وتريد تسمع عاد هو حس اكو احد يمي كال يلا ديري بالج ع نفسج خوش ..گتله اوك باي

احلام ..هله هله ..عالگه الرومنسيه

نور...نمت بحظنها .. ولج احلام احبه ادعيله يكون من نصيبي ..

احلام ..ان شاء الله حياتي .خلي اكوم . تدرين منو عدنه ..

نور..منو

احلام ..اخت زهره (مرت حازم)... وخلي اروح خاف يجي اخوج هي دتسوي الهه مكان .. هنا

نور...اي روحي حبي

مرت الايام ..نسولف اني وعلاء بالفون بفد ليله اتصل عليه حجينه وگلي لتحجين هواي ليسمعوج گتله لعد شون اريد اسمع صوتك گلي راح اغنيلج شنو رايج گتله كلشي منك اريده ..عاد ظل يغني الي ..

علاء..انطيني وعد للموت روحي بروحك تشدني ..گلي راح اظل وياك بس الموت يبعدني ..واحلفلي بشرف الجروح ماتنساني اوعدني ...

نور...واذا يمك طلبت ارتاح كلي ابشر ولتردني ..واذا يتبرا مني الكون اريدك تبقى ساندني .. سگف وانه انستر جواه خاف الناس تطردني ...كون انت امان تصير اذا حزني يهددني ..ليغرك بشر وتروح وبنص البجي تهدني ..

علاء ...لو من هسه الله وياك لو للموت رايدني ...

نور..دك ص*رك وگلي وياك ..مااعوفك ولا ليله ...

علاء...والي يزعلك اجرم بي مني ويله ياويله

احلفلي ماكو النه افراك سويه الموووت نمشيله .. بعد شفتي حرام تبوس فدوه الشفتك الهيله ..

نور..اريدك تحمي ظهري بيوم ..تجيني من البشر عيله .. خيمه فوگي كون الكاك هي الدنيه الطويله

تواعدنه وصارت هي الاغنيه هي اغنية حبنا دائما نرددها سوه ..

وصلنه لشهر العطله قبل الامتحانات الوزاريه دخلت وزاري بس واكعه بدرسين

وكعدت بالبيت ..كنا نتواصل اني وعلاء.. ودائما يحثني ع الدراسه ولج ادرسي احسن الج ..وهو اختصاصه انكلش دائما يترجملي ومرات يكتب الي خواطر بالانكليزي .. وكلشي مااعرفه اسئله اله ويساعدني بس اشتاقله هوايه اريد اشوفه هو ميقبل اطلع يگولي ابقي اقري ولتطلعين هواي ..

صارت ايام الامتحانات .. وبالعاده نمتحن بمدرسه بعيده عن منطقتنه ..بلغت علاء كال اوك .. وامتحنت ووصلت لاخر يوم بالامتحانات كال خلي نطلع سوه ....خابرني كال اريد تجيبين العطر الي تخلين منه گتله اوك .. طلعنا سوه وصعدنه بالشط بالبلم وكعدت بصفه ولزم ايدي وصرنه نحجي ..

نور..علاء تحبني وعيوني بعيوني وماي الشط يجنن ..والجو حيل رومانسي

علاء..انت الج ثقه بيه

نور..اي

علاء..باعي اني بالبدايه ردت العب عليج احلل فلوسي ههه ..بس بعدها تركتج شفتج مومال لعب .. بس موبيدي حبيتج ورجعت تعلقت بيج حيل من شفته ذاك يتحرش بيج مااتحملت ردت اخلص عليه..ومن شفت ذاك يشممج الورده ردت اموتج واموته ... ولج نور ..نور ماانكتب ع الستوته لاانكتب ع قدري ومستقبلي وبنص روحي وقلبي احبج ودااحسب لليوم الي اجيبج بحظني

نور... يعني تخطبني علاء

علاء..اي والله نور .. احبج متتخيلين شكد اتعذب وانت بعيده عني ولج احبج بخوف برجفه بقلق خايف عليج وانت يم اخوانج لايأذوج ..

نور ....لعد شوكت تخطبني ..

علاء..بس اكمل مهرج والله وهم مقدم اوراقي ع تعيين بس خارج المحافظه ادعي حظي يكعد واتعين هالمره

نور..راح ادعيلك حبيبي واني دائما ادعي الك بالرزق والله ..بس اخواني شلون اذا ماوافقو

علاء...مشكلتهم مو هم خلوج ابالي غصبا عليهم يوافقون ..واذا تطلب الوضع اخ*فج والله ..

نور..حياتي ..بس امي شون

علاء..اخ*فها وياج عادي ..

نور...ضحكنا واحنه بعيون بعض ..وخليت راسي ع كتفي اخذني الحظنه .. وظل يهمس بأذني .. بعد شفتي حرام تبوس فدوه الشفتك الهيله ..ويباوع الشفتي ..ضحكنه

علاء..وين العطر

نور..فتحت الجنطه انطيته اله ..هو كان علبه زغيره لونها فسفوري بس عطرها يفح حلو

گتله علاء ...

علاء...روحه وگلبه

نور...العطر فراگ

علاء..بس الموت ياخذج مني

نور... اسم الله عليك ... لزم ايدي وطلعنه من المي .. وصعدنه بالسياره هو كعد قبلي ورحت للبيت اسعد انسانه .صارت ريحته بيه وبملابسي من حظني .. مرت الايام ..اخوي ناظم طلع من البيت ..سكن غير محافظه .. احلام ومحمد علاقتهم خربت كلش .. من وره زهره مرت حازم .. وقررت تطلع من البيت وتروح وتاخذ ابنها وياهه متت قهر ع طلعتها بوست علاوي ابنها عمره 4سنوات وهي هم گالت ديري بالج ع روحج .. وراحت بقيت ابجي وامي هم تبجي .بقينه تحت رحمة مرت حازم ونسخته محمد

. بعدها كنت گاعده ..بغرفتي .. اجت مرت حازم دخلت عليه گالت يله ولج كومي لبسي شي حلو راح يجي اخوي راضي يشوفج

نور..وليش يشوفني شنو المناسبه

زهره.. يلا كومي حتى نتفق ع الخطوبه

نور...خطوبة منو ان شاءالله ..

زهره ...خطوبتج انتي ويا

نور...كمت من مكاني شنو شنو ومنو اكلج اريده انه

زهره...ماكتلج تردينه او ماتردينه مجايه اخذ رئيج انه مفهوم ...وخلاص الخطبه تمت واخوج موافق ...