حلات الحب عذابه

غليان

علاء.. شفت الولد يشممها الورده وهي تبتسم من صدگ صرت اغلي .. حييل عصبت نوب ملابسها حصر وهي جسمها ومفاتنها بارزه

من طلعت باوعتلها واني معصب ردت اتبعها حتى من صدگ ارزلها بس كلت لا مترهم

كعدت ساعه اريد ابرد ماكدرت خمشت الفون من جيبي طلعته ودزيت الها مسج گلت من ترجع للبيت تقرا ..

كتبت الها..نصيحه الج من غريب اعتبريها انت عندج مو خوان وانما ح*****ت فانتبهي التصرفاتج احسن وهي سوالف مال وحده صايعه وادب سز بطليهه وديري بالج ع عمرج لاتروحين بالرجلين .. دزيته الها بدون تردد واحس ماابردت لان كلش تعصبت .. بعدها بدقايق .. حاسبت نفسي انه ليش دزيت الها هيج ..طلعت جيكت الفون .بلكي مواصلتها والغيهه شفت. مكتوب تم الارسال ..

نور ..وصلت للبيت اني كل يوم بس اوصل اجيك الفون .. خاف راسل الي شي ..طلعته من جوه المخده ..فتحته تفاجئت شفت منه مسج..قريته انصدمت يااخرب شنو هي ظليت اضحك معناهه يهتم الي ..بس ليش يغلط عليه .. كمت اتصلت عليه .. مايرد اتصلت ماكو هم مايرد .اروح واجي بالغرفه مثل الخبله واضحك . كمت كعدت ع السرير

كتبت اله مسج .. اخو خيتك رد ..

رد بمسج ..اخو اخيتي وغصبا عليج بس خافي من اخوانج داكولج ليسمعون صوتج تخابرين واحد

كتبت اله ليش خايف عليه من اخواني لو خايف على نفسك لايورطوك مره لخ

كتب الي لا مااخاف على وحده مثلج دايحه ولاخايف على نفسي بس هذا الولد صديقي وخفت عليه من اخوانج السكط ..

نور... اريد ابعثله مسج ماكو خلص رصيدي

عاا صرت الوب واحرك بروحي اريد اجاوبه اريد احاجي خرب حظي

.. لشويه العصر مرت اخويه الزغير محمد كالت الي امشي ويايه لاهلي .. كتلها ماشي ..لبست جبه هي مخيطتها طبعا هي احسن وحده بيناتهن اسمها احلام وهي خياطه توب تخيطلي ملابسي دائما واني جهالهه مسؤليتي واشطف الها القماشات واض*بهن لاصق وهم اخيط الها الكرستال اساعدها دائما عاد هي من تشوفني هيج انطتني الفون القديم مالتهه وتنطيني فلوس مرات ومرات تحول الي رصيد يعني زينه ويايه .. لبست الجبه مخصره ومن جوه كلوشه شغلها بسيط مبيهه شي بس كرستال ذهبي ناعم ووياهه شال اسود خفيف وبي كرستال ذهبي .وويا كفشه جوه الشعر.وخليت شويه مورد خدود ومسكاره .. وشعري طالع من الشال .ومسشورته ..وقبل لااطلع خليت عطر عندي علبة عطر زغيره ام الخرزه بس عطرها حلو

.. هو بيتهم قريب علينه نروح اله مشي .. طلعنه نتمشه وصلنه لفرعهم كنت لازمه بايدي ابن اخويه .. جاي نمشي صار كبالنه بيت انفتحت الباب مالته صار گبالي علاء ... احتاريت شسوي .. ماادري اخزره ماادري ابتسم ونوب گلبي دك دك دك ..ورجليه بطت مابيه اتشيليني وهو نضراته الخنزوريه تريد تاكلني اكل گصني گص من فوك الجوه فتت من يمه وخليت عيني بعيونه وهو لازم الباب من اليده وواكف ويباوع الي .. ماكدرت الزم نفسي ابتسمت ودنجت ... مرت اخويه سبقتني بخطوات اندارت عليه كالت شبيج متمشين كتلهه علاوي ميمشي حيل .. بس بقلبي اكول الهه .. دااباوع العلاوي الجبير هع

علاء.. من شفتها يم بيتنه فرفحت عليها شنو طالعه تجنن حبيت كل تفاصيلهه طالعه تجنن شون مرتبه ومغريه غرت وضجت تمنيت محد يشوفها بس اني من صدك حسيت بإهتمام وحب اتجاهه . تمنيتهه ملكي فاتت من يمي وعطرهه يجنن ومن ابتعدت تمنيت ماكو بشر يشم عطرها بس اني .. اباوع الهه ابتسامتها الي ردتها متبتسم بس اليه .. اعتبرت ابتسامتها احلى ابتسامه بالكون .. كلبي راد يطلع من مكانه من شفتها ابتعدت عني وراحت تمشي اباوعلها احسها ملكي قدري اسمها مانكتب ع ستوته لا وانما انكتب بقلبي ..

رحت للشغل .. وفكري يمها ماادري شنو بعت مشاعري احسها مختلفه كل لحظه تمر بالي مشغول بيها.. رجعت قبل المغرب بشويه .. اندكت الباب شفت حسام .. كتله تفضل ادخل ماقبل كال جاي اسلم عليك واروح لشويه هي فاتت وحسام يحجي ويايه موبيدي شي باوعت الهه وباوعتلي صفنت عليها الحد ما حسام ندغني ع كتفي وكال ها شبيك وين صافن .. كتله ها لا ماكو شي .. هي ابتعدت خطوات عني واندارت عليه وابتسمت خرب شكد وكحه حسام انتبه الي والها .. گال ها عجبتك گتله متدخل شبيك عاد دخلته ورحت اجيبله كلاص مي ..واكول بقلبي هم زين عطرها مافح ومااشتمه حسام

راح حسام عاد كعدت يم اهلي شويه وقبل لاانام .. بالليل دزيت الها مسج

..نصيحه ثانيه تره ملابسج حيل ضيگه تسببلج مشاكل شويه احتشمي ..

نور .. من وصلنه لبيت اهل احلام واني فاتحه حلكي من الذان للذان وابتسم والي يحجي ويايه اطكها ضحكه عبالك مخبله يوومه. هيج شوفته ترد الروح صدقه لاسمه بعدها هم شفته المغرب وانتابني هيج احساس احس الدنيه ملكي واني اسعد انسانه بالكون .رجعت للبيت .. بدلت ولزمت الفون بلكي تجي مسج منه ويفرح گلبي .. صاحولي تعالي تعشي مااردت اتعشه

صارت ساعه 11بالليل وصلني مسج هي ويه رنة المسج كلب راد يطلع من مكانه هالكد ماصار النبض سريع .. فتحتها هه بيها رزاله هم .. نوب معندي رصيد ظليت احوص واتمشى بالغرفه اريد اجاوبه .. عاد رحت لاحلام .. دكيت باب غرفته ع خفيف ..

5طلع اخويه محمد .. هاا شتردين بهالليل ولج...

نور.. اريد احلام ..

محمد ...مهي احلام هنا شوفيهه وين ولت

وركع الباب ..

نور..مصيبه صابتك ..خل اشوفها وين.. رحت ادور عليها لگيتها بره يم باب المطبخ كاعده

گتلها .. حلئوما همزين لگيتج .. عفيه اريد فونج ..اريد شويه رصيد ادري بيج ما تعزين عليه شي ..اشو كعدت يمها شفتها تبجي خطيه كتلها شبيج ...

احلام..ولج هي مرت اخوج حازم ..تنحش بأخوج عليه ..وهسه يريد يتزوج اختها الارمله ...

نور...ياصخام ..كبر لفهم شكد مكروهين

احلام ....ولج يگلي اطلكج اذا ماتقبلين اتزوجهه

نور...الله ياخذه ..باوعتلي وعيونها كلها دموع وگالتلي احلام ...اسكتي اخوج

نور.. مويريد يتزوج عليج ..معليه حلئوما اريد فونج حوليلي رصيد

احلام .هسه انه يارصيد ياضيم ماتولين من يمي ...

نور...ياااااااعزااااااه ...عطت

احلام ...كامت على حيلهه شنووو ولج خيير خو ماا بريعصي وكع

نور...لا ولج اكعدي بس ..اذا تطلگتي .. منو الي منو يخيط الي منو ينطيني رصيد واذا عتق تليفونها تنطي الي والله محتاره

احلام .. اهمداج مصلحجيه انت متعرفين تواسين احد .. اروح اجيب الج الفون واولي اخمد اليم اخوج احسن ..

نور...راحت ..كمت اكمز واخيرا كدرت اكومها تجيب الي الفون ..بدل لا كاعده هنا وتتبجبج وتندب حظها المكشر .. هه كمت وراها وكفت يم الباب .. مالت غرفتهم ..ممطبوگ للاخير شفت اخويه يبوس بيهه

ولزگهه ع الحايط .. ويبوس بيها اني مشاعري تحمت ههه وراح فكري العلاء.. الله يمته ياخذني بحظنه هيج ويبوس بيه ..تالي لزگت روحي راشدي ولج اصحي شبيج شبسرعه يبوس بيج... نوب محمد شافني گال شعدج هنا .. شويه جان كتله دااباوع الكم بس احلام نقذت الموقف جان انكتلت

نوب اجت شمرت عليه الفون وگالت هاج فكيني .. لزمتها مت ايدها ..گلت الهه ..هاا حلئومه لو مااانه دازتج ع الفون .. جان هسه ماكوو رومانسيه الليله وغمزت الها .. وخرت ايدي وگالت .. اخخ منج خبله الله يستر منج مافارغه هسه احقق وياج باجر اصبري.. الي

گتلها دروحي حمادي ينتظرج هههيييو

دخلت واني رحت دخلت من باب الهول وسديت الباب عدل امي نايمه بالهول .. طبيت للغرفه الي انام بيها .. واتصلت بي

دگيت ?دگ ..فصله ..ورد دگ عليه جاوبته گتله الووو

علاء..متخافين من اخوتج تتصلين بهالليل

نور.. لا مااخاف ..

علاء...اييه نور .. مبينه وكحه !!!

نور... ليش متحب البنت الوكحه ؟!

علاء..امم حلو البنت تكون خجوله ..

نور ..اني والخجل متزاعلين

علاء..صالحي او بالاحرى اني اخليج تصالحينه

نور..شون ؟

علاء..نشوف النه طريقه ..انت وين ولج ليسمعوج تخابرين بهالليل

نور...لاميسمعوني غرفهم معزوله عن المكان الي انه بي ...

علاء...هاه وين معزوله بس لا بالطرمه انت او فوگ السطح ..

نور...امم لا عيني ..غرف اخواني وحد واني بغرفة الخطار .. ويفصل بينهم الهول وبي باب اذا انفتحت اسمع صوتها

علاء... وان يكن الحذر واجب .. وهسه يلا اشطحي وراج مدرسه باجر

نور...لا عادي اكعد وكت ميهم

علاء..مو اني ورايه كعده من الفجر اروح للعلوه اتسوگ ..

نور..ها اوك اذا هيج ماشي تصبح ع خير

يمه گليبي فدوه الصوته احسه هيج يخاف عليه .. شعور حلو

.. مرت الايام واحنه نسولف سوالف عاديه مثلا عن طريقة حياتنا الاكلات الي نحبها. . الافلام والاغاني .. صرت لحظه لحظه اتعلق بي من افوت من يمه ب السوگ ابتسم اله اتمنى گلبي يروح يم گلبه اكعد ويا اسولف اله همومي وكلشي .. من ارجع للبيت اشوفه داز الي مسج .. ولج لتبتسمين من تشوفيني ولج الناس تاخذ عنج نضره موزينه .. ولج ضمي شعرج من الحجاب .. ولتتمضحكين ويه البنات من توكفين كبال المدرسه .. ولج ولج ولج .. كومه ينصحني .. اضحك من كل گلبي ... واعيط واشغل اغاني وارگص ياربي احساس الحب حلو ..بعدهه اكوم اصلي وابجي ربي اقسمه الي خلي يصير من نصيبي ..

علاء..مرت الايام ..وكل يوم اتعلق بيهه ..الحد الي صرت بي اخاف عليها بجنون اعشقها بخبال اخاف عليها حتى من نفسي شكد احبها واتمناهه يمي بس مااخابرها هواي اخاف لايكمش*ها ولااخليهه تجي يمي بالسوگ مااريد احد يمسهه بحجايه .صرت اخاف عليها من نسمة الهوا لاتلعب ب*عرها احس تجرحها . حبيت شكلها وصارت بعيني احلى انثى .. حبيت شخصيتها البريئه .. ضحكتهه قوتها متخاف من شي ... توكف يم صديقاتها بباب المدرسه تضحك صرت اغار منهم اريد هالضحكه الي وحدي ومن صدگ احسها الي .. وبنفس الوقت خايف من المستقبل وشون راح اخليها تصير الي رسمي

نور... فد يوم كنه نسولف اني ويا ..ودااحجيله ع اخواني وشون يض*بوني گلي

علاء..لج لتسوين شي يحمقهم وتخليهم يض*بوج ..

نور..ههه ليش عود علاوي متريدهم يض*بوني ..

علاء..لج ياخبله مو تتعورين

نور..واذا تعورت يعني شنو

علاء..يعني شنو بعد اريد اشوف الي وصلج للسادس شلونه بالله وشون اصلا وصلتي

نور....هههه بالدفرات

5/5

علاء..اي موداگول عقلج مال ابتدائيه ..ويلا هسه بلا لغوه واشطحي وراج مدرسه وورايه كعده من الصبح ..وخاف يسمعون صوتج صار ساعه تلغين وممنتبهه نوب يض*بوج

نور...اي علاوي واذا ض*بوني تره عادي والله متعوده ..

علاء..هي شون وياهه ..لج بابا تتعورين افتهمي

نور...عود ليش ماتريدني اتعور ها علاء..لك علاوي جاوبني فدوه عفيه حباب ليش متريدني اتعور شنو اليهمك

علاء...لج خبله احبج .. احبج ... احبج . يلا ارتاحي وخلي ارتاح اني

.. . وللحكايه بقيه ...

ησяα