حلات الحب عذابه

نظرات غريبة

علاء .. كنت ابحوش جوه البسطيه .. رفعت راسي شفتها يمي واكفه .. من گلتلي وجع نرفزتني مااحب بنيه تتجاوز عليه ..

گتلهه هيه ولج لاتتجاوزين واحجي عدل لااخلي راسج بالطماطه هسه ..

نور.فززني ونوب عصب لان گتله وجع ...ردت اغلط بعد بس صراحه خوفني..گتله. ليش تحجي عليه وتألف جذب هاا

علاء... شجذبت بالله شحجيت

نور... شون تكول انه صاحبتك ياجذاب

علاء..هه جا مو على اساس انت حبيبتي نور سألي اخوانج وهم يجاوبوج

نور...من گال حبيبتي نور يمه رجف گلبي گتله اخواني شعليهم شنو الموضوع

علاء.. ليش ماتدرين .. اخوانج سووني انه صاحبج وكاتب اسمج ع ستوته مالتي وطكوني فصل .

نور... مااصدك انت جذاب

علاء.. بابا صدگتي وان ماصدگتي امشي ولي يله هسه وبعد لاتشوفيني وجهج

نور... ومنو گلك باقيه باي

استغربت من حجيه معقوله اخواني هيج يسوون عفته بدون اي حجايه ورحت امشي .. وافكر .. لعد انه شگد رخيصه عدهم الگبر الهم ان شاءالله شكد مكروهين رجعت للبيت فايره ..واغلي بداخلي .. بين نار خواني الي سوو هيج بيه وبين علاء وكلامه واول مره احجي ويا شي جديد بحياتي

طبيت للبيت .. بيتنه عباره عن 3غرف نوم وهول وغرفة خطار النه انه وامي انام بيهه والخطار يكعدون بالهول هي اذا اجانه خطار

صحت لامي .. يمه يمه

الام ... شبيج تصيحين وصوتج عالي

نور.. يمه صدك اخواني ماخذين فصل من واحد لان كاتب نور ع ستوته نبصت مرت اخوي الجبير حازم والوسطاني ناظم والزغير محمد ..

مرت حازم.. اي عيني عندج اعتراض

نور.. طبعا مرت حازم نذله عذرا ع الكلمه بس هي سبب دمار حياتي .. وتكرهنه حييل گتلهه ممحاجيتج محاجيه امي

مرت حازم .. كالت اي عيني كاتب اسمج ع ستوته ورايح راد منا اليم بيتنه هو جاب الشبهه عليكم انت ويا

نور... نعم نعم .. يعني انت مصدگه انه مصاحبه ..سمعي ولج تره انه اشرف منج ومن خواتج فهمتي .. امي جانت كاعده بالكاع وانه واكفه ومرت حازم واكفه بباب الهول عاد امي .. جرتني من ذ*ل تنورتي وكالت سكتي.. كتلهه يمه لعد شسوي الي الله اكيد اسكت وظليت اتحسب عليهم واكبر وادعي .. ومرت حازم گالت يجون اخوتج ويتصرفون وياج ..

دخلت لغرف*نه انه وامي شمرت الكتب والجنطه .. ونزعت الشال كعدت ع السرير تن*دت .. تعبت اليوم كلش اول يوم هيج متعب .. يمر عليه .. نزعت جواريبي وتمددت وغمضت عيوني .. راح فكري العلاء اول مره احجي ويا .. واخلي عيوني بعيونه .. شون يحجي نبرة صوته كلش حلوه ..تگلبت ع الجهه الثانيه .. شنو هالصدفه هي ... نوب انه مااكدر اشيله من بالي واخواني وطلابتهم ويا .. لازم احاول انسئ وانه اصلا ليش افكر بي .. بعدهه ظليت افكر من گلي حبيبتي نور ذابت روحي بهالكلمتين شكد حلو اوف بعدهه دخلت امي عليه .. قطعت تخيلاتي واجت تمشي ببطئ والم لان كبيره ومريضه

كعدت ع السرير وگالت .. يمه اذا اجه حازم هسه .. لاتلاسنينه يروح يشبعج كتل ويأذيج

نور .. كعدت ع حيلي وي حجيها لامي دخل حازم ..ولج حقيره انتي منو وشنو حتى تناقشين هيج موضوع ولزمني من شعري

نور .. حازم اني شرفك شرفك عرضك هيج تسوون بيه ..لزگتي راشدي وهو ضخم وشكبره انسطرت بالكاع صارت امي بيناتنه دفعها ونزل ض*ب بيه .. امي وكعت بالكاع تتالم ولاهمه اي شي النذل.. حشته مرته عليه شكد حقير بعد ماخلص ض*بني راح يطلع امي نايمه بالكاع مابيهه تكوم الحقير شبخها وطلع ولافكر بيهه

رحت لامي كومتها وبوستهه وعدلتهه شسوي لعد هي حياتي متعوده عليها

علاء..من طلعت يمي رجعت للبيت بس قررت اتركها خلاص .. شفتها مو مال وحده العب عليها او اذيها واكتشفت ان هي ماعدهه علم بلي سوو اخوانها صراحة اشفقت عليها عدها هيج اخوان مسترخصينهه والله يعلم شمضموم الها بعد

نور...مرت الايام .بقيت كم يوم ماداومت .. علما تروح اثار الض*ب الي بوجهي .. بعدهه داومت بس علاء مو مثل الاول لاتغير ميباوع الي ابد. . ولايمشي ورايه .. كنت محتاجه النضراته وحركاته .. اعتبرها غذاء روحي الي.. بس هو ماكو ولااباله اني ..

حاولت اتعود بس مكدرت صرت من اوصل للسوگ اباوع اله وامشي ع خفيف بس هو ميباوع الي انقهرت حسيت تعلقت بي من ارجع للبيت حيل اتعذب وافكر بي ومااركز بالقرايه .. تعبت ادك ع راسي اطلع من راسي اطلع ملييت اريد ارجع الحياتي بدونك اصعب لحظات هي اتكونين ضايعه ومتعرفين احساسج شنو حب اعجاب او شنو .. بقينه ع هالحال اسبوع وهو متجاهلني واني اباوع للرقم ومااكدر اخابر مو مال اخابره ابد

علاء.. ظلت من تمر عليه اتجاهلهه ومااسوي اي حركه ابد .. بس من تندار وتمشي ابقى اباوعلها .. مداكدر اطلعها من بالي ومااعرف شعوري شنو اتجاهه بقيت محتار طول اليوم فكري يمها بس اعرف من المستحيل تصير الي حتى لو احبها

نور.. فد يوم جان عدنه إضافي .. بالمدرسه وتأخرنه رجعت شويه متاخره تقريبا ساعه 1اله ربع

وصلت للسوگ .. كالعاده باوعت ع البسطه مالته شفته ماكو .. رحت امشي احس واحد لاحگني... درت شفته ولد شاب .. نوب ظل يشمر حجي .. يگول فدوه للشفايف .. فدوه للخصر. .انه ارد عليه سم ووجع هو يرد يكول اروح فدوه للسم والوجع منج .. شويه واشوفه وگع بالكاع .. كدامي .. باوعت اشوف علاء .. نزل عليه وظل يض*به ويسبه

انه بقيت واگفه واتضحوك فرحانه شفت علاء وفرحانه من موقفه ويايه .. بعد ماض*به والولد اتعارك ويا بعدهه فكو وراح الولد .. اني بقيت ع صفحه اباوع واضحك

علاء.. كنت اريد الم البسطيه حتى اروح للبيت الظهر .. بعدهه طلعت شفت نور وملاحگهه واحد ومبين يتحرش بيها ماتحملت رحت اركض اله دفعته من وره وض*بته وگع بالگاع .. ض*بته وض*بني وظل يغلط عليه بعدها فكينه وهي واگفه تباوع ع صفحه وتضحك .. عدلت شعري وقميصي عدلته من الياخه لان تخربط .باوعتلهه اقتربت منها خطوات . گتله هيه انت شبيج واگفه هنا ماترحين لبيتكم

نور.. اي عيني رايحه .. بس اعصابك .. درت وجهي منه .. ورحت امشي خليت ايدي ع حلگي ميته من الضحك

علاء.. راحت تمشي اباوع الها شون تمشي بدلع وتتمايل ومبينه خربانه ضحك شگد خبله هاي ههه رجعت للبسطه ولميتها ورحت للبيت ...

نور ... رجعت للبيت فرحانه .. من موقفه ويايه .. لزمت الفون .. بدون تردد .. دزيت اله مسج .. وكتبتله .. شكرا على مساعدتك الي اليوم ..وبالاخير كتبت نور .. رحت بدلت وافكر بي واغني .. وادندن .. بدلت رحت اكلت لكمتين ورجعت نمت ..

علاء.. رجعت للبيت بدلت ملابسي وتغديت ورحت لغرفتي تمددت وداگلب بالتليفون شفت مسج فتحته طلع منها .. ماعجبني تصرفها هي ليش تدز ..رديت عليها خوش وعفت الفون ونمت تصير ب4واطلع للشغل

نور .. كعدت العصر گبل للفون سحبتها اريد اشوف جاي مسج منه لو لا.شفته بس كاتب الي خوش .. عاا عصبت شبي هذا .. كتبتله دااكولك شوكرا تكولي خوش

علاء .. كعدت العصر .. سبحت وبدلت وكلت تصير ب4واطلع .. شفت مسج منها ..رديت عليها اي وشنو يعني ممحتاج تتشكرين مني لو اي وحده متعرضه الهالشي كان تصرفي نفسه وياهه ...

نور..قريت المسج مالته اووو شكد مغرور ومتكبر ..شمرت الفون ع الميز وطلعت

مرت الايام اشوفه بس مانتواصل .. ع الفون اباوعله ويباوعلي رجعت اخزره وجان قبل يبتسم.. هسه لا هم يخزرني ..مره راجعه من المدرسه ..وصلت للسوك .. اكو محل مال تحفيات وورد شويه قريب ع البسطه مالته دخلت ..اباوع .. شفت ورد منفرد يعني مو بباقه لا يكون طوال واحمر د**ي لونه حيل حلو .. صاحب المحل مخلي يم الباب مال المحل .. اخذت وحده .. دااشوفها .. جان يحاجيني .. صاحب المحل .. واخذ ورده من مكانها وگال هالورد كلش حلو بي ريحه وكام قرب الورده ع خشمي وشميتها .. بس مااشتريتها بعدها اخذت منه اقلام لان كنت محتاجتهم .. وطلعت من المحل شفت علاء كبال المحل كلش وجان ديباوع الي نضرات غريبه ..