Kinabukasan ay nagulat si Anna dahil pagbaba niya mula sa kanyang kuwarto ay nabungaran niyang nag-uusap sina Lance at Ezekiel. Mabilis siyang napatingin sa orasang nakasanit sa dingding at saktong alasais pa lamang ng umaga. Nakaligo na siya para sa pagpasok sa upisina ngunit bumaba muna siya upang mag-agahan. Sa ganitong oras ay nakaluto na si Lance ng kanilang breakfast. Alam nitong maaga siyang pumapasok sa trabaho kung kayat sinisigurado nitong makakain muna siya bago umalis ng bahay. Ngunit hindi niya inaasahang mapapadpad ng ganito kaaga si Ezekiel sa kanilang bahay, samantalang kagabi lamang ay galing ang binata dito.
“Hi, ate, mabuti naman at bumaba ka na kanina pa naghihintay saiyo si kuya Kiel”, si Lance ng mapansin siyang nakatayo sa may puno ng hagdan. Agad namang ibinaling
