Kinahapunan ay hindi maiwaksi ang nararamdamang lungkot ni Anna kahit inabala niya ang sarili sa mga gawain sa upisina. Hindi mawaglit sa kanyang isipan ang malamig na pagtrato sa kanya ni Ezekiel lalo na at nadatnat pa si Kylie sa bahay nito. Wala naman siyang karapatang magdamdam sapagkat wala naman silang relasyon ng binata kaso nanunuot sa kaibuturan ng kanyang puso ang sakit dahil meron na agad itong iba. Parang tatlong araw pa lang ang nakalipas noong nagproposed si Ezekiel sa kanya bakit ang bilis namang nabaling agad sa iba ang pagtingin nito? Ibig sabihin hindi seryoso ang binata noong alukin siya nitong maging girlfriend niya? Sa labis na lungkot at kaguluhan ng isip ay hindi siya agad umuwi pagkatapos siyang mag-out sa upisina. Nagtuloy siya sa mall at naglakad lakad, gusto niya
