“Kuya, sa hospital po tayo.”, instruct ni Anna kay kuya Delfin. Sa lagay ni Ezekiel ay parang hindi na tatalab ang pilit niyang pinainom na tableta. Mas lalong namula ang mukha nito at namamaga.
„Sa bahay na lang Ms. Anna, naghihintay na si Dr. Rick doon.”, kalmadong tugon ni Kuya Delfin habang nagmamaniobra sa manibela.
„Hindi ba mas safe kung sa hospital natin siya dadalhin?”, may pag-aalalang turan niya kasabay ng pagsulyap niya sa binata. Nanatili lamang itong nakapikit at kalmado ngunit halatang nahihirapan sa paghinga sapagkat napakabilis ng pagtaas-baba ng dibdib nito.
“Baka mas lalong makasama sa kanya, ayaw na ayaw ni bossing ang pumupunta sa ospital.”, turan ni Kuya Delfin. Napatingin siya sa driver ngunit nagkibit ito ng magkasalubong ang paningin nila sa salamin. Pumasok tul
