The De Alba Heiress

Kilala ang pamilyang De Alba sa buong Provincia de San Aristeo. Halos ang buong angkan ang humahawak ng kapangyarihan at lupain sa probinsya. Sa bawat kanto, sa bawat tahimik na taniman, naroroon ang bakas ng kanilang pangalan. Tinitingala sila-hindi lang dahil sa kayamanan, kundi sa disiplina at tahimik ngunit matatag nilang pamumuno. Si Catalina De Alba ang panganay sa magpipinsang De Alba. Isang dalagang kinikilala hindi lamang sa angking talino at kagandahan, kundi pati sa maayos nitong pananamit, mahinhing kilos, at sa napakalamig nitong tinig at walang emosyong tingin. Hindi ito madaling lapitan, at lalong hindi madaling basahin. Tahimik siyang naninimbang sa pagitan ng tungkuling iniatang simula palang sa kanyang murang edad at sa katahimikang gusto niyang panatilihin. Sa kabilang dulo ng lupain, sa ilalim ng araw at alikabok ng bukid, tahimik na namumuhay si Michaela Madrigal. Isa sa mga anak ng mga magsasaka sa lupang pagmamay-ari ng mga De Alba. Sanay sa init, sa putik, at sa simpleng pamumuhay. Isa lamang siyang anak ng magsasaka, walang titulo, walang apelyidong kilala, ngunit may matang laging nakatanaw sa mansyon ng mga De Alba. Isang kwento ng katahimikan, tanong, at mga matang laging nagkakabanggaan sa pagitan ng mga taniman at pader ng lipunan. Sa isang lugar na alam na ang kahihinatnan ng lahat, mga paningin na hindi dapat magtagpo, sa pagitan ng tagapagmana ng isang makapangyarihang angkan at ng isang dalagang ang tanging pag-aari ay ang kanyang sariling dangal.