Dahil sa pagkakakulong at sa isiping na-trap siya kasama si Mateo ay lalong nakaramdam ng panginginig sa katawan si Vivien. Lalo at ang suot niya lamang ay blouse na napatungan ng blazer at itim na pantalon. Ni-check lamang naman niya ang ibang stocks doon ngunit heto nga, nakulong pa sila doon.
"Help!" muling sigaw niya ngunit wala talagang nakaririnig sa kanila. Sinubukan niyang muling kalampagin ang pintuan. Ilang minuto na rin silang naroon.
"Conserve your energy and oxygen, wala ng tao sa labas na makakarinig sa atin," ani Mateo.
"Ano ang gagawin natin?" tanong niyang niyakap ang sarili. Napaatras siya nang mapansin ang paghakbang palapit ni Mateo sa gawi niya.
Mataman naman na nakatitig si Mateo sa babaeng tila napapaso sa kanya. Napapansin na niya ang simpleng pag-iwas nito
