NANG maramdaman kong nakaalis si Garreth sa kanyang silid ay minulat ko ang aking mata at pinagalitan ang sarili ko. Bakit ko nagawang halikan siya kahit na batid kong bawal ito. Paano kung may pumasok at nahuli kami, tapos isumbong kay Ginoong Peridon. E’di siya ang mapapahamak at ipapatapon ako pabalik sa aking pinanggalingan.
Sapagkat ngayon pa lang ay inaamin ko na sa sarili ko na unti-unti akong nahuhulog kay Garreth, kung paano niya ako alagaan at iligtas sa oras na ako’y nalalagay sa panganib. Sa simpleng bagay na iyon ay nararamdaman ko rin na nais niyang mapalapit lalo sa akin.
Ngunit mali… mali ang mahalin ko siya dahil hindi ako isang dugong bughaw. Hindi ako nagmula sa mayamang pamilya o miembro ng kung anong kaharian. Kung hindi lang dahil kay Deianira malamang ay pagala-gal
