Naiinis si Ivan ngayon dahil halos lahat ng mga kasama nila ngayon dito sa townhouse nila ay nakatingin sa kanila ni Shaira.
"Hija, saan kayo nanggaling ni Ivan?" tanong ng Daddy niya kay Shaira. Bakit ba hindi tumitigil ang mga ito sa pag-uusisa?
"Dad!" pigil ang inis na awat niya sa ama. "Kanina niyo pa tinatanong si Shaira kung saan kami nanggaling. At bakit ba interesado kayong lahat? Ano bang masama kung mawala kami? Kailangan ba ipaalam namin sa inyo kung saan kami pupunta palagi?"
Binalingan siya ng ama niya habang seryoso ang mukha nito. "Hindi ikaw ang kinakausap ko kaya tumahimik ka." Nakita na ngang hindi makatingin si Shaira ng deretso, sige pa rin nang sige. "Hija, saan na nga tayo? Ah, oo nga pala! Saan nga ulit kayo pumunta ni Ivan last week?"
"Ano po…ahm, kasi po–"
"N
