Choose Me! Princess

Hindi ko naman sana sila makikilala kung hindi lang napagkamalang pagmamay-ari ng isang lalaki ang pangalan kong “Mil Senikon”. “Hello?” May pag-aagam agam kong binuksan ang pinto at sumilip sa loob ng boarding house na titirhan ko. Ang una kong nakita ay ang dalawang lalaki na nakaupo sa sofa roon sa sala. May hawak na gitara ang isa at ang isa naman ay may hawak na libro. Kapwa silang nakatitig sa akin na waring gulat na gulat. Magpapakilala pa lang sana ako ay may sumulpot na lalaki sa likuran ko.  “So ito pala ‘yung boarding house. Infairness, may kalakihan,” ang narinig kong sabi ng gwapong lalaki na pamilyar sa akin. When our eyes met, he pointed me and gasped, “Oh? Teka, ikaw ‘yung nilandi ko sa bar diba?”  Medyo naguguluhan sa narinig ay mayroong sigaw mula sa loob ng boarding house na kumuha ng atensyon ko. “Kim! Kim! Yung underwear mo, nasa gamit ko!” sigaw ng lalaki na dumungaw sa second floor bago ibinato papunta sa direksyon namin ang hawak niyang brief! Agad naman akong umilag, pati na yung lalaki sa likuran ko. Kaya naman tumama ang brief doon sa isa pang lalaki na kararating lamang. “What the hell is this?” Pikon na pikon niyang sambit bago nanginginig na tinanggal ang brief sa kaniyang mukha.  During that time, I didn’t realize that what I entered is not just a simple boarding house but a place for five wolves and a lamb like me.  “Magandang umaga. Ako nga pala si Mil Senikon, ang bago niyong kasama sa boarding house,” pagpapakilala ko.  Naramdaman ko bigla ang mainit na titig ng limang lalaki na nakapaligid sa akin.  “Wow,” ang sambit ng lalaking may bitbit na gitara. Nabitawan naman ng isa ang libro habang nakatitig sa akin ang namimilog niyang mga mata.  “Wait a minute. Diba ikaw ‘yung mascot na sumasayaw?!” masayang bati sa akin ng lalaking nakadungaw mula sa second floor.  “Oh sh*t,” natatawang tugon naman ng lalaking nasa likuran ko. “F*ck,” malutong na pagmumura naman ng lalaki na nasupalpal ng brief kanina.  Tama. Nagsimula ang lahat ng pumayag akong tumira sa boarding house kasama ng limang lalaki.