Chapter 27: “I Want To Know More About You”
NAPANTINGIN si Mira sa kaniyang cellphone nang tumunog iyon. Kinuha niya iyon sa loob ng kaniyang bag. Sigurado siyang ang kaniyang ina ang nag-text na iyon. Napangiti siya nang makita ang pangalan ng Mama niya. Tama siya nang hinala.
No’ng nagsabi siya rito kanina na hindi na sila matutuloy ni Cem sa kanilang bahay ay nalungkot ito dahil gusto raw nitong makita ang lalaki. Nagpaalam na lang siya na pupunta sila ni Cem sa bahay nila Angge at doon gagawa ng research nila.
Pumayag naman ang Mama niya. Basta raw kasama niya si Cem ay hindi na ito masyadong mag-aalala pa sa kaniya.
Mama: Kasama mo pa rin ba si Cem? What time kayo matatapos diyan? Huwag kayo magpapagabi masyado.
Mira: Yes, Ma. Nandito pa rin po si Cem. Kumpleto pa po kami rito
