Tahimik na pinagmamasdan ni LingLing ang mga ibon na lumilipad sa labas habang nakatayo sa tapat ng bintana ng kwarto. Wala pang limang minuto mula nang magising siya. Ni wala siyang ideya kung gaano na siya katagal sa loob ng puting kwarto o gaano na siya katagal na nakatulog. Pero kahit medyo naguguluhan at maraming tanong ay nakadama ng kaunting saya si LingLing. Dahil ang lahat ng ala-ala niya ay muli ng nagbalik.
Isinara ni LingLing ang kurtina at umupo sa gilid ng kama. Ipinikit niya ang mga mata at sinimulang subukin ang ala-ala kung talaga bang nagbalik na ang lahat ng ito. Napangiti siya nang maaalala na niya ang lahat. Mula sa mga pangarap niya, mga ginagawa, si Al at ang pangako nila sa isa’t isa, hanggang sa ilang araw na inilagi niya kina Al. Pero nang maalala niya ang mga gi
