Hindi pa sumisikat ang araw at hindi pa naririnig ang unang tilaok ng mga manok nang magising si Al. May kalayuan kasi ang bilihan ng pagkain sa koprahan nila at kailangang makabalik siya bago magising si LingLing dahil siguradong matatakot ito kapag nagising ng walang kasama.
Habang naglalakad ay naalala ni Al ang usapan nila ni Mae kagabi. Tungkol ito sa dapat gawin kay LingLing. Nabalitaan kasi nila na lalo pang pinaigting ng mga pulis ang paghahanap sa sikat na mang-aawit. Pinalabas sa telebisyon na kinidnap ito at hanggang ngayon ay hindi pa nahahanap. Nagpalabas din ng gantimpala sa taong makapagsasabi ng kinaroroonan nito. Naiintindihan ni Al na nag-aalala lang si Mae. Pero alam ni Al na maaaring may iba pang dahilan kung bakit naroon ang dalaga sa dalampasigan at sugatan. May kut
