Nanghihina man ay pinilit kong sumakay sa wheelchair na kinuha ni Blade sa kung saan. Hindi daw kasi ako puwedeng maglakad lakad muna dahil sa nangyari sa akin kahapon. Sobrang pagod at stress ko, hindi pa ako nakakain kaya nanghihina pa ang katawan ko. Pero bago ako pinayagan ng doctor na gumalaw galaw ay pinakain muna ako at pinag-take ng vitamins para rin daw kumapit ng maigi ang bata sa sinapupunan ko.
Kaya ngayong tapos na ang check up sa akin ng doctor at nakakain na ako ay pinayagan na rin akong bumisita kay Vaughn.
Nasa hallway palang kami ay nanginginig na ang kalamnan ko, hanggang sa makarating kami sa tapat ng ER. Pinagmasdan ko ang daddy ni Vaughn na nakaupo sa waiting area, nakayupyop ang ulo sa palad na nakapatong sa mga tuhod at mukhang pagod na pagod pa rin simula kahapon
