Lauren’s POV
Kasama ko si Kelly kaya binanggit ko sa kanya na gusto ulit manligaw sa akin ni Ezekiel pati na rin ang pag-amin ko sa kanya na tunay na kapatid ko si Avery. Siguro ay nagulat siya sa sinabi ko kaya pagkatapos niyang sabihin sa akin na mahal niya ako at balak ulit ligawan ay bigla na lang siyang hindi nagparamdam. Pinaglalaruan ba talaga niya ang puso ko? Paano ko siya tuluyang makalilimutan kung ganito na lang palagi ang ipinararamdam niya sa akin?
Alam kong nagpapakatanga na naman ako. Pero kung may mas alam man dito kung gaano kadaling sabihin na kalilimutan na ang isang tao pero hindi naman magawa-gawa ay ako na iyon. Matagal ko na sinabi sa sarili ko na kayang-kaya ko siyang kalimutan pero hindi ko naman magawa!
Ewan ko pero . . . naghihintay ako ng pagbabago sa kilos
