"Van, naka ayos na ang susuotin mo, ha. Maliligo lang ako," sabi ko kay Van na may tinitignan sa laptop niya.
Dumiretso na ako sa banyo para maligo. Ngayon kasi ang birthday ni Daddy kaya naman pupunta kami sa bahay nila. Nagbihis na ako at nag ayos. Nang matapos ay bumaba na at sabay kami ni Van lumabas. Ni-lock ko na ang bahay at saka sumakay sa kotse.
"Cha, nadala mo ba 'yong regalo natin?" tanong ni Van sa akin.
"Oo. Nandoon sa likod," sagot ko sa kanya.
Pinagbuksan naman ako ni Van ng pinto nang makarating kami sa bahay nina Mommy. Magkahawak kamay kaming pumasok sa loob. Napangiti ako kasi alam kong totoo na ito at hindi na namin kailangan magpanggap sa harap ng magulang ko at sa ibang tao.
Nang makita ko si Daddy ay agad akong yumakap sa kanya at binati siya. Humalik naman ako
