Lumabas ako ng umaga para silipin kung nandoon pa rin si Van. Mariin akong napapikit nang makita siyang nakahiga sa harap ng gate. Lumapit ako at pinagmasdan siya. Medyo basa pa ang damit at halatang giniginaw dahil nakayakap siya sa kanyang sarili.
"Van, gising," tinapik tapik ko siya.
"Hmm.."
"Bumangon ka na. Umuwi ka at maligo. Ayusin mo ang sarili mo," sabi ko sa kanya.
Dumilat siya at hahawakan sana ang aking kamay ngunit lumayo ako.
"Kaya mo naman siguro tumayo, hindi ka lumpo. Magpapatawag ako ng taxi para makauwi ka."
Iniwan ko siya at pumasok na sa loob. Mayamaya lang ay dumating na 'yong pinatawag naming taxi. Wala nang nagawa si Van kundi sumakay. Alam kong nanghihina siya. Mukhang may lagnat na nga. Hay, ang kulit kasi.
"Sundan mo na. Para masigurado mong okay siya," nap
