LUMIPAS ang tatlong araw, nakabuo na ng desisyon si Gretel. Mahirap pero kailangan niyang gawin. Hindi niya kaya. Ngunit pikit mata para sa ikabubuti ng lahat.
Nadatnan niya Mommy niya na nasa sala. Tumikhim si Gretel para matanggal ang bara sa lalamunan niya. "Mom, aalis lang po ako sandali. Babalik din po ako kaagad," magalang na paalam ni Gretel. Tumingin si Grace sa anak.
"Maigi naman at lumabas ka ng kuwarto mo, Gretel. Ano bang pinaggagawa mo at hindi ka kumakain? Hindi ka puwedeng lumabas. May mga bisita tayong dadating," sabi ni Grace sa anak.
"Puwede po bang kayo na muna ang humarap sa mga bisita? Importante lang po ang pupuntahan ko," pakiusap ni Gretel.
Matiim na tumingin si Grace sa anak. "Okay. But make sure na importante talaga 'yan, Gretel," sagot ni Grace. Nangisla ang
