Prente akong nakasandal sa kotse ko habang nakaabang sa mga batang naglalabasan galing sa loob ng Villa Rose.
Ang iba sa kanila ay naalala ko no'ng mapasyal ako rito no'ng isang araw dahil binabati-bati nila ako at kinukumusta.
Napangiti ako nang makita ko na ang kapatid ko na papalabas na ng eskwelahan pero agad na napawi ang ngiti sa mga labi ko nang makita ko ang mukha nito na nakasimangot at halatang wala sa mood.
Sinalubong ko 'to at kinuha ang ilang libro na karga niya.
"How's your school?" tanong ko rito.
Huminto siya sa paglalakad at tumingin sa malayo bago pagkrusin ang mga braso sa kaniyang dibdib na tila bad trip.
Napakamot naman ako sa aking ulo, ngayon ko lang nakitang nagtataray ang kapatid ko na ganito.
May nangyari kaya sa kaniya sa loob ng campus?
Ipinasok ko muna
