Inirapan ko si Dylan nang magtagpong muli ang mga paningin namin.
Nakikita ko pa lang ang pagmumukha niya ay nabub’wisit na ako.
Simula kanina ay hindi na nawala ang pangungunot ng noo ko kaya ang akala tuloy ng iba ay galit ako o ano pero pinaliwanag ko naman sa kanila na ganito lang talaga ako sa trabaho.
Laging seryoso.
Magkasalubong ang mga kilay kahit na ang dahilan naman talaga nito ay ang lalaki na nakahubad ng damit at nakikisali rin sa mga tauhan na naghuhukay.
“Jusme, ang g’wapo at macho ng asawa ko! Galingan mo Dabid at ipagluluto kita nang masarap na tangahalian!” sigaw ni Ate Karen na nakasilong sa kubo kasama ang iba pang mga asawa ng mga manggagawa, kasama na si Ate Cony.
Napatingin naman ako kay Kuya Dabid nang bigla nitong itaas ang kamay na tila ipinapakita ang kani
