"Miss Engineer, mag-ingat ka, baka madulas ka," napangisi ako sa sinabing ‘yon ni Domeng habang naglalakad kami papunta sa site kung saan magsisimula na kaming magtrabaho nang magkakasama.
'Sa wakas, matutuloy na rin ang bagay na ‘to.'
"Okay lang ako," sagot ko rito at nagpatuloy sa paglalakad.
Pakiramdam ko ay matagal ko na silang kakilala.
Naaalala ko sa kanila ang volleyball team na nakasama ko dati.
Ang sarap sa pakiramdam dahil hindi ko na kailangan mag-adjust upang pakisamahan sila dahil mukhang mababait at madali lang silang makasundo.
"Miss Engineer, tara rito at kumapit ka sa akin." Napatingin ako kay Olly nang tumabi siya sa akin at ilahad sa harap ko ang kamay niya upang gawin kong gabay habang naglalakad kami sa maputik at madulas na daan.
Ngumiti ako rito at kukunin ko
