“Bakit mo kasama si Zav? Nagkataon lamang ba na sabay kayong pumasok ng bahay o magkasama talaga kayong dalawa?” tanong niya sa akin habang kumukuha ng mansanas doon sa counter. Humilig siya roon at itinapon pataas sa ere ang masanas at sinalo rin naman niya gamit ang isang kamay.
Tumingin sa akin si Gio at tumaas ang kanyang noo habang hinihintay akong sumagot.
“Nagkita po kami sa palengke, Sir Gio,” sagot ko sa kanya. Totoo naman na iyon ang nangyari. Dapat ko bang sabihin sa kanya na nagkita kami ni Don Benedicto? Na naririrto iyon o huwag na lang?
“Do you guys know each other? I mean, inihatid ka niya rito, hindi ba?” Tumaas ang isang kilay niya kaya bumigat ang aking paghinga.
“Hindi po, Sir. Kaya lang, may nangyari po kanina at tinulungan ako ni Sir Zavian. He offered me a ride,
