Ngumuso ako at tumayo na sa pagkakaupo bago i-ayos ang suot na damit. Siya naman ay kinuha iyong cellphone niya at mukhang may tinawagan. Naglakad na ako papuntang kusina. Inaasahan ko na naandito sila at dito nagtitipon-tipon.
Wala akong naabutang tao sa kusina na siyang agad kong ipinagtaka. May nakahaing pagkain kaya’t agad akong kumuha ng pinggan upang makakain at kung may maitutulong sa gawaing bahay ay tutulong ako.
“Aba! Gising na pala ang magandang dilag,” bati ni Mildred sa akin nang makita ako. Napatingin ako sa kanya at napaismid na lang dahil sa pinagsasasabi niya.
Lumapit siya sa akin matapos niyang makakuha ng pinggan. Mukhang hindi pa rin siya kumakain ng umagahan. Katulad ko ay kaswal lang din ang damit na suot niya ngayon.
“So, kumusta ang tulog natin kagabi? Pinagod k
