Nagulat ako nang paggising ko ay katabi ko pa rin si Gio. Wala ba siyang trabaho ngayon na pupuntahan? Madalas kasi siyang may lakad at nagkikita-kita sila ng mga pinsan niyang lalaki kaya nakakapagtaka na naririto pa rin siya sa tabi ko.
Napangiti ako at hinaplos ang buhok niya. Gumalaw siya dahil sa ginawa ko kaya’t itigil ko na iyon dahil baka magising ko pa siya.
Naisipan ko na makapagluto ng breakfast. Simula kasi nang maging opisyal kami ni Gio sa mga magulang niya ay halos hindi na ako nakakapagtrabaho rito. Ang sabi rin nina Ma’am Leonor ay hindi ko naman daw talaga kailangang magtrabaho, ako lamang daw ang nagpumilit noon. Ganoon pa man ay ayokong maging freeloader. Gusto kong pinaghihirapan ko ang perang kinikita ko o ang tinitirhan ko.
Patayo na ako sa kama nang higitin akong
