First Person POV
"Ms. Dela Cruz."
Umayos ako ng upo at lumingon sa pinanggalingan ng tinig. Nakita ko si Ms. Tiamson na nakatayo sa pinto ng classroom namin, isa ito sa mga professor namin at ang mismong class adviser ng block namin.
"Ma'am?" magalang kong tanong.
"Come with me. Dalhin mo na rin ang mga gamit mo," seryosong sabi nito, hindi lang ang tinig kundi pati ang mukha.
Nagsitahimikan ang mga kaklase ko at ang lahat ay tumutok sa akin ang mata, may pagtataka.
Ako naman ay biglang kinabahan.
Ano'ng mayroon? May nangyari ba? Bakit kasi kailangan na sobrang seryoso nito?
Hindi ko na pinagtuunan pa ng pansin ang mga kaklase ko na kating-kati na sigurado ang mga dila na usisain ako, but sadly, ako man ay clueless kung ano ba ang nangyayari.
Sinunod ko na lang ang iniutos sa akin
