First Person POV
Sumandal ako sa upuan habang hawak ang telepono ko, nang mangawit ako ay ibinaba ko iyon at nangalumbaba na lang.
"Tangna!" rinig kong mura ni Kyo.
Tamad na nilingon ko tuloy ito habang tutok na tutok ito sa hawak na telepono na sobrang seryoso ng mukha. Kagat nito ang ibabang labi at nakakunot pa ang noo, halos magsalubong na rin ang kilay nito. Nakakatuwa itong panoorin, parang natutukso tuloy akong haplusin ang gusot nito sa noo, katulad noong ginawa nito sa akin nung minsan.
"Ehem."
Naputol ang pagmamasid ko at nalipat ang tingin ko sa pinsan ko noong umubo-ubo ito.
Kumunot ang noo ko dahil hindi kagaya ni Kyo ay kabaligtaran ang mababakas sa mukha nito, maaliwalas, parang nangingiti na ewan habang nagpipipindot pa rin sa telepono nito.
Dahil wala akong magawa
