الفصل الخامس

3032 Words

نظرتك ... تلامس وجداني .. وبسمتك ... تُبعثر أحزاني .. في صباح اليوم التالي ذهبت نوراي لتناول الغداء مع مؤيد بحجه انه يريدها لمناقشه امر مهم يتعلق بالعمل كعادتها في الايام الاخيرة كانت نوراي دائما ما تحاول ان تقنع نفسها بان ما بينهما عمل فقط بحكم انه يريد ان تكون شركته هي المسؤله عن تنظيم معرضها القادم الذي لم تحدد موعده بعد (علي ماما برضوا ????) ولكن مؤيد فقد كان يتخذها حجه للتقرب منها فقد كان في اول الامر يتعامل معها كصديقه ولكنه وقع في حبها .....وقع في حب شخصيتها بجيدها وسيئها ....وقع في حب نوبات غضبها.... عفويتها .....وقع في حب طريقتها في الكذب عليه حين يسالها سؤال لاتريد الاجابه عليه......وقع في حب ثرثتها..شخصيتها الطفوليه احيانا ....اغرم برقه قلبها ......قد احب مساوئها قبل مميزاتها ولكنه لم يستطع مصارحتها فقد كان خائفا من خسرانها اذا صارحها فهو يعرف مدي خوفها من الحب والزواج وهذه الامور ....لهذا قرر ان يرضي بالقليل المتاح له ************ في شركة مروان اجتمع مروان بحياة وفريقها مروان: دلوقتي ياباشمهندسين انتو اكيد عارفين اننا لازم نسافر علشان نتابع المشروع ونحط اللمسات الاخيرة احمد:اه مروان:باشمهندسه حياة انتي هتيجي معايا بعد تلات ايام هنسافر الغردقه علشان نشوف المشروع وانتو ياباشمهندسين هتيجوا بعدها بحوالي تلات ايام اجفلت حياة وتمتمت باعتراض حياة باعتراض :بس... مروان بهدوء :في مشكله او حاجه حياة :معلش بس انا لازم استاذن برضوا الاول مروان:اه اكيد بس للاسف الموضوع مستعجل يعني مينفعش فيه رفض حياة بهدوء :لالا حاضر باذن الله عن اذنكوا توجهت الي مكتبها لمهاتفه والدها لاخباره واخذ الاذن وبعد الحاح دام لساعه وافق واخيرا فعادت واخبرت مروان موافقتها ************ في صباح اليوم التالي كان يوم الجمعه يوم التجمع الاسبوعي حياة :انا مسافرة الغردقه تلات ايام ليان بحماس :الله حلو دا نوراي بتساؤل :ليه حياة :علشان الشغل....في مشروع جديد بنخلصه هناك ولازم اروح علشان اتابعه وكدا يعني ثم تطلعت لدعاء الجالسة جوارها وانتي اكيد يادعاء هيبلغوكي بالموضوع دا يوم الاحد ولا حاجه دعاء بنزق : ليه يعني حياة باسمة :علشان تشوفوا المكان ياطنط وترتبوا الحمله تمتمت مكة ساخرة مكة :مالك يادعاء محسساني انك طالعه سجن طرة مش الغردقه مريم بتحسر :اه والله هو حد طايل دعاء بعقلانيه :لا ياذكيه منك ليها بس اتفاجات تابعت حياة بحماس شديد بعدما واتتها احدي افكارها المجنونة حياة بحماس :ايه رايكوا ياعيال ما نطلع كلنا يعني احنا نطلع مع الشغل وانتو كمان تجيولنا علي هناك ليان بحماس :فكرة حلوة جدا نوراي بفرحة :الله حلو دا مريم:انا موافقه جدا دعاء باسمة :اه واهو نحقق حلم الطفوله المشرده اننا نسافر مصيف سوا....واحنا اكيد مش هنقضي الوقت كله شغل يعني لاحظ الجميع **ت مكة علي غير العادة حياة ساخرة :مالك ياحزينه لوت مكة فمها كالاطفال وتابعت بضيق مكة :اكيد بابا وماما مش هيوافقوا ليان بنزق :يابنتي متحسيسينيش اننا قاعده مع بنت اختي.....انتي خلاص كبرتي وبقيتي انسه محترمه واكيد مش هتتخ*في وبعدين دا فندق ومعانا ناس مكة بحنق :مش عارفه بقي هقولهم واقولكوا دعاء باصرار :لا انتي هتقنعيهم وتبلغينا الموافقه مكة بياس : المهم يعني متحطوش امل كبير علشان لو معرفتش اجي متزعلوش حياة بحدة مازحة :بت يا مكة متعمليليش فيها مش عارفه مين انتي هتقنعيهم وتجيبلنا الموافقه او احنا ممكن نكلمهملك مكة :حاضر حاضر ربنا ييسر *********** عادت مكة لمنزلها وهي تدعوا الله ان يوافق والداها..... وعندما دلفت للداخل وجدتهما يجل**ن امام التلفاز فقررت مفاتحتهما في موضوع سفرها مكة بارهاق :السلام عليكم ورحمة الله لبنة:وعليكم السلام ورحمة الله والدها باسما :حمد لله علي السلامة ياميكي مكة باسمة :الله يسلمك يابابا ....انتو عاملين ايه نظرت لبنه لابنتها فهي كانت تعلم تلك الدخله جيدا ضيقت عيناها وتطلعت لابنتها بريبة لبنه:شكلك كدة عاوز حاجه يامكة ضحك والدها وتابع والدها : ااااااااه قولتلي اومات مكة راسها موافقة مكة :بصراحه بصراحه اه لبنه:عاوزة كام تطلعت اليهم مكة بنظرات حزن درامية للغاية مكة :برضوا تفتكروا اني عاوزة فلوس والكلام الفاضي دا لالا عيب عيب بجد والدها بقلق :امال مكة :بصوا بقي وبصراحه وعلي بلاطه كده البنات مسافرين الغردقه 3ايام وانا عاوزة اروح معاهم لبنه برفض :لا طبعا مكة بتوسل :بالله عليكي ياماما والله هما تلات ايام بس وهنبقي في فندق كبير ومعانا ناس كمان والدها:لا مكة الموضوع دا غير قابل للنقاش اصلا مكة :بالله عليكو انا نفسي اروح معاهم وبعدين انا عمري ما سافرت لوحدي ابدا....متقلقوش والله هما تلات ايام بس وهد*كوا اسم الفندق وكل شويه هتصل بيكوا وبعدين انا كبرت يعني مش هتخ*ف او هتوه وافقوا بقي بالله عليكو تبادل والداها النظرات فيما بينهم وتمتم والدها والدها:خلاص يامكة هنبقي نشوف الموضوع دا بعدين تهللت اسارير مكة فرحا مكة : يعني موافقين صح لبنه بقلة حيلة :امري لله نهضت مكة مسرعه عن كرسيها ثم قبلتهما وركضت الي غرفتها لكي تخبر الفتيات وبالفعل استعد الجميع ************ اما مروان فاخبر تيم وجاسر وادهم تمني ادهم لو ان مة ستكون معهم ولكنه لم يعرف كيف يمكنه التاكيد فقرر ان يسال مروان ادهم :الا قولي يامروان هو في حد تاني طالع معاكوا مروان:لا هنروح وانا باشمهندسة حياة وبعد كده هيجلنا 2مهندسين بس هتكون باشمهندسة حياة رجعت القاهرة تيم :علي فكرة مريم واصحابها طالعين كمان جاسر بفرحة يحاول اخفائها :كلهم تيم :اه هي قالتلي كده من شويه مروان:تمام ادهم بحماس :متيجوا نطلع احنا كمان اهو نغير جو بما ان مروان هيبقي هناك اصلا جاسر:فكرة حلوة جدا.....اول مرة ياواد يا دومي تقول حاجه صح تيم :وانا موافق حتي علشان ابقي متطمن علي مريم ادهم :خلاص يامروان احنا طالعين معاك مروان:هو الواحد ميعرفش يغير جو بعيد عنكو شويه ضحك ادهم ملئ شدقته وتابع ادهم :ههههه لا مروان:تمام هحجزلكوا في الفندق اللي احنا هنقعد فيه ....وكده كده اعتقد ان شركة حياة مطلعلنا طياره خاصه ادهم :حلو دا اوي كاد ان يطير كلا من ادهم وجاسر من فرط فرحتهما ********* عند الفتيات حياة :انا حجزتلكوا في الفندق اللي طالعين فيه والشركه بتاعتنا اصلا مطلعه طياره خاصه مكة بخوف :لالا انا هسافر في السوبر جت نوراي بنزق :سوبر جت ايه يامعفنه يابنتي بنقولك طياره خاصه مكة بقلق :لا ياجماعه بجد والله ليان :متخافيش يا ميكي هنبقي كلنا معاكي مكة :لالا بصوا انتو عادي جدا هتسافروا بالطياره وانا كلها ست ساعات وهحصلكوا دعاء بحماس :يابت متبقيش جبانه هتفضلي خايفه كده لحد امته مكة باصرار :بصوا بقي هو دا اللي عندي انا بخاف ومش هركب طيارات انا حياة باصرار اكبر :هتركبي يعني هتركبي ومفيش سوبر جت هتركبي معانا وهي كلمه اخيرة مكة :لالالا ******* وبعد يومين في تمام السابعه صباحا تقابلت الفتيات في المطار وجلست مكة تقرا القران لعلها تشعر بالسكينه وبجانبها مريم ونوراي وليان وحياة ودعاء يطمأنوها تارة ويمزحون معها تاره صعدت الفتيات الي الطائرة فشعرت مكة بانها تكاد تفقد وعيها من فرط توترها وبعد وقت قليل صعد مروان ولكن لم يكن وحده لم تصدق مريم عيناها بسبب ما رات مريم بدهشة :تيم تيم باسما :ايه رايك في المفاجاه مريم:انتو هتسافروا معانا تيم بثقة :وهو انا وافقت علي سفرك ليه لم تعرف مريم وقتها اتترك لتلك الفرحة التي تعتمر قلبها لوجوده فرصةً للميلاد ....ام تحزن لان فرصتها الوحيدة للابتعاد عنه قليلا بائت بالفشل مريم:طيب صعقت ليان فلقد رات جاسر ليان :يادي النيله ايه اللي جابوا دا نوراي ضاحكة :مش دا اللي انتي خبطتيه قبل كده ليان بنزق :ايوة هو دعاء ضاحكة بمكر :البس حياة بقلق :والله ما كنت اعرف انهم جايين معاه نوراي باسمة :ما احنا عارفين يا بسبس دعاء بهدوء :وايه المشكله ليان :احنا لوحدنا وهما لوحدهم .....منعرفهمش اصلا مريم بثقة :احنا هنخاف يعني اما مكة فقد كانت منكمشه علي نفسها خائفه كثيرا مريم:ايه يا ميكي مكة بصوت منخفض:انا خايفه اوي حياة :متخافيش ياحبيبتي كلنا معاكي اهو مكة :ربنا يستر اما ادهم فاختار مقعدا مقابلا لمكة كي يتمكن من رؤيتها دعاء بثقة :اجمد يا اسد وسمعني الشعار ابتسمت مكة بنزق وتابعت مكة: انا لا strong ولا نيلة نوراي ضاحكة :ايوة كده وبعدين متخافيش كلنا جمبك اهو مكة :طيب وبعد عده دقائق بدات الطائرة في الاقلاع فتمسكت مكة بمقعدها وظلت تردد كل ما تعرف من ادعيه .....وبعد عدة دقائق فتحت عينيها ببطء فوجدت ادهم ينظر اليها مكة بحنق :يادي النيله اللي انا فيها ناقصاك انا مثلا مريم ضاحكة :ايه يامكة بتكلمي نفسك ياحبيبتي مكة بنزق :مفيش يامريم مفيش نوراي :اقولك حطي الهاند فري في ودنك وشغلي اي حاجه وغمضي عينك مكة باسمة :حل حلو دا وبالفعل نفذته وبعد وقت قليل وصلوا سالمين الي مطار الغردقه حياة باسمة :شفتي شكه دبوس ...وصلنا الحمد لله مكة بفرحة عارمة :الحمد لله وقف مروان وخلفه باقي الشباب وتابع باسما للفتيات مروان: ladies first حياة باسمة :شكرا هبطت الفتيات اولا فوجدن سياره في انتظارهن لاخذهن الي الفندق وصعد الفتيان في سياره اخري وتوجه الجميع الي غرفته *************** في الطريق الي الغرف حياة بفرحة :واخيرا اتحقق الحلم وطلعنا مصيف سوا دا احنا هنخربها دعاء بمكر :هاهاهاهاها والله هيصعب عليا النزلاء في الفترة الجايه مكة ضاحكة :هنطفش*هم مريم:نيهاهاهاها ليان ونوراي :حد قالهم يستقبلونا يستاهلوا مرام بحزم :كفايه شر بقي ويلا كل واحده علي اوضتها علشان نفضي الشنط وبعدين ننام شويه ونتقابل كمان تلات ساعات البنات بسعادة :فكرة كويسه جدا وبالفعل ذهبت كل واحده منهم الي غرفتها لتفريغ امتعتها ....ثم ذهبن في نوم عميق وبعد ساعتان استيقظ الجميع ارتدت مريم ملابسها وهبطت لانتظارهم امام البحر اما دعاء فكانت لم تستيقظ بعد ارتدت ليان ملابسها وذهبت للجلوس مع مريم وهبطا نوراي ومكة سويا اما حياة ففي طريقها لاسفل قابلت مروان مروان:باشمهندسه حياة حياة بادب :نعم مروان بحزم :النهارده ان شاء الله مفيش شغل يعني تقدري تعملي فيه كل اللي انتي عاوزاه وبكرة ان شاء الله هنروح الموقع علي الساعه8 وهنخلص ومش هيبقي في حاجه بالليل حياة باسمة :تمام ان شاء الله عن اذنك ثم تركته ولحقت بالفتيات مكة :طبعا دعاء لسه مجهزتش حياة :لتكون لسه نايمه مريم:مهو دا الطبيعي بتاعها نوراي :طيب يلا بينا نروحلها ثم صعدا الي غرفتها فوجدوها مازالت نائمه حملت كل منهم وساده ثم القوها عليها البنات:دعااااااء استيقظت من نومها في فزع وهي تطلع حولها بهلع دعاء:ايه في ايه مكة :لا ياحبيبتي ولا في اي حاجه متشغليش بالك خالص احنا المفروض نتقابل من نص ساعه صح اخذت الوسادة ووضعتها فوق راسها وعادت للنرم مرة اخري دعاء بنعاس :مش هنا كمان هاه ارحموني بقي اعوذ بالله نوراي :نفسي اشوفك ملتزمة بمواعيدك مرة قبل ما اموت اخرجت دعاء راسها بخفة من اسفل الوسادة وتمتمت ضاحكة دعاء:ههههههه انتي طيبه اوي ...يبقي ياعيني مش هتشوفي مكة :يلا بقي قومي البسي واحنا هننزل نستناكي تحت وهما ربع ساعه .....ربع ساعه يا دعاء وهنطلع ونفتح الباب وانتي حرة بقي نهضت جالسة بفزع ضامة يدها لص*رها دعاء:يافضيحتي ....لا بصوا خمس دقائق وهتلاقوني عندكوا مريم بمكر :انتي حرة وقد زعتر من بعتر ذهبن الي الخارج وهن يضحكن علي دعاء اما دعاء فارتدت ملابسها وهبطت بسرعه مكة ضاحكة :ايوة كده ناس مبتجيش غير بالعين الحمرا تمتمت دعاء بنزق دعاء:ههههه لا بالخضرا يا خفيفة ليان بحماس :هاه نعمل ايه ياحلوين دلوقتي مكة :ايه رايكوا ننزل نتمشي شويه....وبعدين نرجع نتغدي وبالليل ننزل علي البحر شويه حياة بفرحة :اؤيد هذه الفكرة ************ عند الفتيان ذهب مروان فوجد ان الجميع ما زالوا نائمون...ضحك بمكر وحمل كوبا من الماء والقاها عليهم..... فاستيقظوا فزعين جاسر بنزق:ايه يا بني ادم انت في حد يصحي حد كده ادهم : ايه يابني الهزار دا علي الصبح تيم : كاتك البلا في هزارك مروان:اشتمو اشتمو..... حاسس اني جايب معايا ولاد اختي........ احنا جايين ننام ولا ايه ظروفكوا وبعدين والله البنات طلعوا اجدع مننا دول ناموا وصحيوا خرجوا وانتو لسه نايمين ضيق ادهم عيناه ولوي فمه بطريقة جيمس بوند ?? ادهم :ايه خرجوا مروان:اه والله عاود تيم النعاس مرة اخري متمتما تيم :دول ناس نشيطه ملناش علاقه بيهم مروان:نشيطه ايه كاتوا و**ه رجاله وعضلات علي الفاضي وشويه بنات غلبوكوا ثم توجه لادهم وامسك بعضلات ذراعيه عضلات دي ياخويا منك ليه ولا انتفاخ دا ولا ايه واحد كل شويه في الجيم والتاني بطل العالم في الكاراتيه والتالت لعيب كورة اد الدنيا كاتكوا و**ه تطلع جاسر لباقي الشباب جاسر:شكلنا بقي زباله ادهم مؤيدا :انا كمان بقول كده نهض تيم وضيق عيناه متابعا تيم :وحش اوي يعني ؟؟؟ جاسر وادهم : اه ادهم بحماس :اسبقنا يا مروان واحنا جايين وراك نوريك الرجاله مروان:ايوة كده وروني ثم خرج من الغرفه ولم يعد يستطع كتمان ضحكته فانفجر ضاحكا اما تيم فارتدي ثيابه وهاتف مريم للاطمئنان عليها *********** عند الفتيات مكة :موبايلك بيرن يامريم التقطت مريم هاتفها وعلمت انه تيم مريم:دا تيم اما نوراي فكانت تتحدث مع مؤيد الذي فوجئ انها ليست بمرسمها .....فاخبرته انها قد سافرت وستعود بعد عده ايام اطمئن تيم علي مريم وعلم انهم يتنزهون في السوق وسيعدن بعد عده ساعات ********** قرر الشباب السباحة قليلا ********* عند الفتيات جلسن في احدي الكافيهات واخذن يتحدثن لبعض الوقت مريم بفضول :نوراي قوليلنا بقي ايه موضوع مؤيد دا لم تعلم وقتها لما خفق قلبها بهذه الطريقة ولكنها تصنعت عدم الفهم نوراي :يعني ايه مكة بعتاب خفي :يعني خروجكوا سوا اللي انا مش راضيه عنها دعاء:انتو فعلا بتقضوا وقت كتير سوا تمتمت نوراي بعدة كلمات تمنت لو انها حقيقة نوراي :لا والله يابنات انتو فاهمين غلط كل اللي بينا شغل حياة :علي ماما برضوا نوراي ببراءة :اه والله بصوا هو شركته عاوزين يكونوا المسؤلين عن تنظيم المعرض بتاعي الجاي وبس ....فاحنا كل خروجاتنا دي شغل وبعدين اصلا هما مرتين مرة غدا ومرة فطار وبقيت الايام هو اللي بيجي المعرض ضيقت ليان عيناها بمكر وتاعت ليان:المعرض اللي انتي لسه محددتيش معاده صح نوراي :انا قولتله والله بس هو قالي علشان نبقي جاهزين والتفاصيل كلها جاهزة وكده ضيقت مكة عيناها مؤيدة لكلمات ليان وتطلعت لنوراي وكانها تمتلك سبعة رؤوس مكة :عبط احنا ياعصام نوراي :والله هي دي الحقيقه مكة بهدوء :منا عارفه يا زفته بس اقصد يعني هو مفيش من ناحيته حاجه كده ولا كده مريم:يانونو ياحبيبتي احنا مش بنهاجمك او اي حاجه .....احنا بس بنلفت نظرك انه ممكن يكون في ناحيته هو حاجه حياة :ومادام هو شخص كويس يبقي ركزي الله يكرمك نوراي بحزم :لا ياجماعه احنا مفيش بينا غير شغل وبس مكة ضاحكة :كلهم بيقولوا كده في الاول لكزتها نوراي في ذراعها نوراي :اتلمي يابت مكة ضاحكة :منا ملمومه اهو يازفته قررت نوراي ان تغير الموضوع فلقد حيرها كلام الفتيات وزادها خوفا واضطرابا علي خوفها واضطرابها نوراي :قوليلي يادعاء عملتي ايه مع مديرك دا اللي اسمه كريم صحيح دعاء بنزق :كاتك الق*ف يا شيخه دي سيرة نتكلم فيها.....دا بني ادم مقزز انا بشمئز منه يابنتي دا فاتح مكتبه استغفر الله العظيم دي حاجه مق*فه يارب بقي مدام ناهد ترجع تاني قريب لحسن الواحد ق*ف من الكائن دا انفجرت مكة ضاحكة علي حديث رفيقتها مكة : فاتح مكتبه استغفر الله العظيم دعاء بتلقائية :اه والله ثم انفجر الجميع في الضحك ليان: ازاي يادودو هاه ازاي حياة: اقولك ومتزعليش شقهت الفتيات ضاحكات وتابعت الفتيات: لالا ابوس ايدكي خلاص وعدن الي الفندق بعد وقت قصير ليام :انا هستناكوا هنا علي ما تخلصوا علشان نروح نتغدي مكة :اه الله يكرمكوا لحسن واقعه من الجوع والله مريم:وانا كمان حياة :طيب يلا اللي هتروح اوضتها تروح وبسرعه ونتقابل هنا بعد خمس دقايق *********** جلست ليان امام البحر ...فوجدت طفل صغير يبكي ...توجهت ناحيته ثم جثت علي ركبتيها لتصل لمستواه ربتت علي راسه بحنو ليان بحنو بالغ :مالك ياحبيبي بتعيط ليه تمتم ببضع كلمات وسط دموعه الطفل : مث لاقي مامي ليان :طيب قولي هي مامي اصلا فين الطفل:مث عارف ليان باسمة :طيب ايه رايك ندور عليها مسح الطفل عيونه بظهر يديه ثم ابتسم الطفل:ماثي موافق ليان ضاحكة :انت عسول خالص ...اسمك ايه بقي الطفل:اثمي ثائر ليام : وانا اسمي ليام كان جاسر يقف يراقبها من بعيد فقرر انتهاز الفرصه كي يذهب للتحدث معها جاسر: صباح الخير نظرت اليه ليان بدهشه جاسر:في حاجه ليان بارتباك :هاه..... اممم.... لا مفيش ..لالا هو فيه بس ... ابتسم جاسر جاسر: علي مهلك ثائر :انا مث لاقي مامي وطنط لولو هتثاعدني انت مين جاسر: انا اسمي جاسر قولي بقي انت حافظ اسمك كامل ولا لا ثائر :ايوة حافظه جاسر:طيب تعالي هنود*ك للمامي بتاعتك ثم نظر لليان بهدوء جاسر:اتفضلي ذهبت معه مثل المنومة مغناطيسيا ....ثم اخذهما واتجه الي الاستعلامات واخذ من ثائر اسمه بالكامل ثم ابلغ الموظفه التي استدعت والداه علي الفور جاء الوالدان مسرعين ....مشفقين.....جزعين علي طفلهم احتضنت الوالده طفلها بهلع ثم حملته وتوجهت هي وزوجها ناحيه جاسر وليان والدته:انا متشكرة جدا جاسر باسما بادب :لا شكر علي واجب والده:بجد والله مش عارفين من غيركوا كنا هنعمل ايه جاسر:معلمناش حاجه يا فندم والله دا وجبنا والدته:شكرا مرة تانيه وربنا يخليكوا لبعض عن اذنكوا صعقت ليان مما سمعت ....ثم نظرت لجاسر شزرا ليان بحنق :انت ازاي تسيبهم يقولوا اننا متجوزين ومتردش عليهم جاسر بهدوء : اكيد ملحقتش ....لانهم قالوها ومشيوا ليان بغضب : لا كان ممكن توضحلهم علي فكرة لم يتحدث هو.... فتركته وهي تلعنه في داخلها ثم ذهبت لمقا**ه الفتيات ************* تقابلت نوراي وحياة ودعاءومريم حياة :امال فين مكة دعاء:كلمتها قالتلي هتصلي وتنزل مريم:خلاص تعالو ننزل بقي علشان ليا قاعده لوحدها ومكة تحصلنا علي تحت نوراي :تمام هبطن لليان فوجدوها عابسه كانت الفتيات تعرفن هذا الوجه تماما فبالتاكيد حدثت مصيبة ما دعاء:استرها يارب مريم بقلق :مالك يا ليلي عامله كده ليه ليان :علشان في شويه متخلفين كده الواحد بيتكعبل فيهم نوراي ضاحكة بخفاء :ايه اللي حصل قصت عليهم ليان ما حدث معها فاخذن يضحكن ليان بغضب :بتضحكوا علي ايه دعاء:بصي بصراحه انا شايفه انه مغلطتش ليان :لا طبعا غلط حياة بتعقل :انتي مش بتقولي قالوها ومشيوا كنتي عاوزاه يعمل ايه مثلا يجري وراهم يقولهم لا استنوا دي مش مراتي ليان بتلقائية :ايوة مريم بهدوء :يا ليلي يا حبيبتي اكيد مينفعش يعني نوراي :وبعدين موقف وعدي كبري دماغك ثم جلسا يمزحن ويضحكن كي يجعلوا ليان تنسي هذا الموقف اما مكة فانتهت من صلاتها ثم خرجت من غرفتها ورات الفتيات واتجهت ناحيتهن ولكن في طريقها اسقطت مفتاح غرفتها راه ادهم الذي كان لتوه خرج من المياه فقد كان متجها لغرفته فالتقطته ثم ذهب اليها ادهم : د.مكة .....د.مكة مكة بخجل :افندم التفت مكة فوجدته عاري الص*ر ......اخجلها مظهره هكذا وتلونت وجنتاها بحمرة الخجل فخفضت بصرها سريعا ادهم بهدوء وهو يتاملهت :دا وقع منك التقطته مكة من يده دون ان تلمسه ثم ذهبت مسرعه وهي تمتم بكلمات الشكر شاهداها الفتيات ضحكت حياة وهي تغمز للفتيات حياة :في حاجه ولا ياميكي مكة بخجل :هاه دعاء:ادهم الخشاب كان عاوزك في ايه مكة بتلقائية :المفتاح وقع مني فهو اداهولي خبطت حياة كفيها ببعضهما حياة بابتسامة ماكرة :شوف ازاي مكة. ضاحكة :هو اللي هنعمله في الناس هيتعمل فينا ولا ايه اهدي ياحاجه حياة والله هو دا اللي حصل امسكتها مريم من وجنتيها المنتفختين مريم: بنغلس عليكي يا بيضه مكة :انتو رخمين اصلا ويلا بقي علشان جعانه موووت حياة : نفسي اشوفك شبعانة قبل ما اموت تطلعت مكة لمريم ضاحكة مكة ضاحكة: غلبانة يا عيني ************ في صباح اليوم التالي ذهبا حياة ودعاء مع مروان لمشاهده الموقع ******** اما مريم فذهبت مع تيم لشراء بعض الهدايا للجميع ********* ونوراي ومكة وليان جلسا سويا البحر يثرثرن في امور عديده *********** في الموقع حياة :كل حاجه تمام فعلا بس فاضل شويه حاجات صغيرين مروان:فعلا كل حاجه تمت زي ما كنا عاوزين دعاء:انا هروح اخد شويه صور للمكان علشان الحملة مروان بادب :اكيد اتفضلي ذهبت دعاء لالتقاط بعض الصور احد العمال :مروان بيه عاوزين حضرتك شويه مروان:عن اذنك يا باشمهندسه حياة :اكيد اتفضل ذهب مروان مع العمال لمناقشه بعض الامور اما حياة فظلت مكانها تشاهد الموقع وبعد وقت قليل كانت هناك حركه غريبه وبعض العمال يركضوا ********************** تفتكروا ايه اللي هيحصل؟؟؟!! والعمال دول بيجروا كدة ليه ؟؟!! #منةالله_مجدي

Free reading for new users

Scan code to download app

App Store Google Play

Facebookexpand_more