رواية ديسباسيتو

*بقلم* ? *Fulla* *Ali* ? *ديسباسيتو* ? خياليه100% م بتطلعي قلت ليك !! لالا طالعه ..وانا وبتك في بيت واحد م بنقعد ...ولو عاوز تشوف عيالك بتعرف اتجاه بيتنا كويس صحيت على صوت النقاشات دي مخلوعه ...ي ربي الحاصل شنو بسم الله الساعه كانت 7:34ص بالضبط كده.. طلعته عشان أشوف الحرب البرة كن أشوف ليك معالي مرت ابووي واقفه وهايجه وبتتشاكل .. قلت ليهو :ابوي في شنو ؟؟! معالي : شنييينه ام قرينات ...وبتسألي كمان ! خالتي معالي استهدي بالله مالك !! مالي في جيبي ..اسمعي هنا ..انا م عايذاك في بيتي فاهمه ! بس انتي وانا عارفين كويس انو دا م بيتك ! معالي:وكمان بتردي ف وشي !!!! انا رديت قلت ليك الحقيقه ما أكتر . معالي: الطيب انت م عايذ تتكلم يعني !! هنا ي داب ابوي قام ..: ترتيل سؤال ورد غطاهو ..انتي ض*بتي مجاهد !!!؟ هنا معالي عاينت لي..طوالي اتذكرته احداث أمس الضهر..مجاهد ود ابووي عمرو 5 سنوات ض*بتو لأنو جيت داخله المطبخ كدا ..شميت ريحه كبريت .قومته عاينته في الأركان ما لقيت زول ..وفي لحظه ال**ت سمعته صوت أنفاس وبعدها سوت عطثه صغنونه عرفته انو دا جهودي ..عاينت تحت التربيزه لقيتو مدسي ومعاهو الكبريت ..قومته ض*بتو على إيدو ... معالي : أتكلمي .القط أكل ل**نك !! ابوي : اها اي ض*بتو لأنو كا... قطع كلامي بي كف طبعا م قدرته اتكلم وغلبتني الدهشه) أبوي: أمشي غرفتك ...وتاني ما تسألي الأولاد ديل فاهمه ! طبعا بس الحمد لله..قومته جريت غرفتي وانا قلبي م**سسسسور و مشقشق انا ترتيل يتيمة أم . ايون لأنة امي اتوفت وهي بتولدني عندها هارت و بي سبب ضغط الولاده قلبها تعب وسلمت الروح بدون حتي م تشوفني ???? ربتني حبوبتي امو لي أبوووي ..لأنو أصلاً أهل أمي .......( دي قصه براها بوريكم ليها بعدين بس حلفتكم زكروني حلاتكم انتو ) حبوبتي أسمها سعديه ربتني من وقت كنت في المهد صبية ..و ما قصرت معاي نهائي ..طبعاً جدو عمر متوفيءمن بدري ..وحبوبتي كانت أصلآ ساكنه معانا . يلا هي أصلاً عندها اتنين .. بت اسمها ( أماني ) اتزوجت بدري وهسع ف الشرق الحبيب و ولد اللهو ابوي ( بنك الثواب اسمو الطيب كما ورد اعلاه ) حبوبتي وكتين اتوفت كان عمري 5 سنه..بعدها بي كم شهر أبوي اتزوج معالي..هسع عندو تلاته معمر 13 سنه و محمد 10 و جهودي 5 سنه انا 18 سنه ..علاقتي بي أبوي ما كانت قويه ..ما عارفه بس بحسو بكرهني ودائماً نافر مني.. يمكن شايف إنو انا كنت السبب في موت امي.. لكن لو جينا للحق فعلا انا السبب.. لكن وربي ما بي يدي ???? دخلته غرفتي بعد ابوي أداني الكف ..سرحته مسافه ..بعدها قلت : هسع يا امي ( اسمها نجاة) لو كنتي معاي ما كنت اتعذبته كده ..بعديها نزلت دمعه حارة حسيت بيها أسييييد على وشي طبعآ انا أمتحنت شهاده وعملته 85. شالوني هندسه نووية هنا في شندي ..وكان مفترض أنزل جامعه بعد أسبوع واحد لأنو مرة ع عيد الأضحي فرت أسبوعين ( أ**رو الفاء دي بالله ) قلته المفترض لأنو عمكم (بنك الثواب أبووي) جاني تاني يوم قال : عايني..انا قدمته ليك نفس مجالك في القضارف . تقديم من داخل الجامعه. شنو بس يا أبوي انااا .... قاطعني : عاارف .قدمته ليك إستقاله ..أمشي أقعدي م عمتك لغاية خالتك دي تلد م عايذ مشاكل انا ( شخصيتو وييييك weeek احييي يا قلبي المؤذم ) يعني أخترته معالي يا أبوي ؟؟؟ اسمعي يا ترتيل ..قالت حتمش تخلي البيت ...وانتي عارفه المسؤل.... قاطعتو طوالي : مسؤوليه ! ي أبوي أنا البغسل ..وبكنس ..وبمسح ..وبكوي ..وبطبخ ...هي بس بترص الهدوم في الدولاب و بتنسق لي أولادها لبسهم ..هسع المسؤليه الماسكها منو !!!! (سكت ساااي عاد يقول شنو ) اسمعيني كويس ..جهزي شنطتك حنسافر يوم الاربع ..( نحن كنا في يوم السبت ) وقام طلع... ضحكته كداا ..مرت أبوي استولت على أبوي وأستولت على البيت وهسع طلعوني برة القُفة ... ) مسسسسكينه انا ياخ ) أستغفرته وطلعته أتم باقي شغلي .. غسلته العده. وعملته الفطور ..وفلانه راقده حاضنه ولدها ( قال شنو ..بتتوحم ..جحمانه ساي الموهومه دي ) ختيت الصينيه ..قلت ليها خالتو معالي الفطور طبعا ولا قالت لي عينك في راسك .. كتمت غضبي مسسسسافه ..وطلعت أنادي معمر ومحمد من الشارع .... هشام ود جيرانه 23 سنه خريج اقتصاد وعاطل عن العمل من هواياته والحفلات والطقةة والج** طبعاً الكراش وكده لكن ما موضحه ليهو الشغله دي. ..قااااعد في الحجر يتسوك سااااي ..جيت بي وراهو بالرااحه واديتو دلدوم (الدلدوم لغير الناطقين بها خبطة بعد إحكام قبضة اليد موقعها في الظهر) قال وااااععععي (طبعاً الفرشه ف خشمو قربت تتبلع) يا توته يا زفتهع يخع م مكن يخ أووول طلع الفرشه من خشمك تانياً المصحيك موتأخر كده شنو ! الناس فطرت وهضمت وانت تشخر زي البعيييييير اخسسسسس على دي ولاده هشام : البورة فارت بيك أكيد عشان كده ما بسألك ..مووتخلفه جبانه .. اممممممم يب يب و ع**طه كمان هشام : و زنخه وق**حه ولتخة قلت ليهو و غ*يه هشام : ومجنونه و هبله وغياظه ومسافرة بكررة هشام : اششي عليه ..ماشه وين كمان ! جامعتك بعد أسبوع بس..عساكم ما عندكم وفاة ؟؟ لالا ما وفاة ..ابوي قدم لي نفس المجال فرع آخر في ألشرق..ناس عمتو أماني هشام : القضارف ..لالا أبوك لشنو عمل كده! بحكي ليك بس ما هسع..شفته معمر جاي من اللفه ناديتو :أرجع جيب زفت الطين داك كتلتونا من الجوع ياخ ! هشام : ااي سمينه و أكاله كمان خمسسسه وخميسه الله أكبر عليك يا سحار جحمان واحد.. رجع اتسوك وما رده ( يعني اتخيلو معاي ..من جبيل بنضم وفي خشمو في معجون اووع) وانا ماشه قال لي : توته لحظة بس أتلفت جا علي : أسمععي عاوزق اقعول ليك حاجع ( كلام الخشم الفيهو فرشه ) طبعاً قلبي وقع.لانو كنت قايلاهو حيقول لي ( بهبك وكده) بس أخطأتي يا إيران..لانو هشام اتفق مع الأمريكان وتفه لي في كراعي ( الله يق*فك عساك تموت بي دخان بمبان من الأمريكان ) عمكم هشام قام جاري على باب بيتهم بس للأسف . كنت نياشه من الدرجه الأولى وفنيتو بي حجر كووبييير وجريت وبس هشام قال واااعععي تاني سكت ...أظن بلع الفرشه ما معروف #صلو_علي_محمد *fulla* *Ali* *نتلاقي* fulla_Ali العصريه كده يوم الاتنين ..لبسته اخوي جهودي شبشبو لأنو كنت ماشه أزور صحبتي أمير يلا أميرة دي أختو.لي هشام ألزفت طوالي هي عسل وهو زفت سبحان الله. أميرة : يعني انتي هسع ماشه بكره؟؟؟؟؟؟ يب يب بكرة ..بس أعمل شنو يا ميرو مضطرة امممممم وأبوك دا وافق كده بالساهل ؟؟ يب ..لأنو عمتو قالت محتاجه لي الفترة دي. اميرة طبعا شكت في كلامي ..لأنو انا قلت ليها انو عمتي براها جننت أبوي وقالت أجي ليها .. طيب يا توتي عمتك دي موش عندها بنات ؟؟ اي عندها . واحده بتقرا في الجامعه..و عندها تلاته أولاد..أصغر واحد بقرا في تالت أساس ... طيب يا ترتيل ...أقول شنو انا عاد غير ربنا يوفقك .. تسلميلي انتي يا غلاي هوي صحي وينو هشام الزف...... قطعته كلامي لأنو فجأه شوووو زول رشاني أظنو بي جك مويه كامل بدون م ألتفت قلته : هوووششششششاااام هشاشة عضام شاحده رب الأرض والسموات السبع?? أميرة: والله يا هشام بتبالغ ياخ بليت لي الفرش يا زفت الطين قلت ليها انتي كمان هاميكي الفرش وصحبتك تتبلا موش ؟؟ صحبتك صحبة كلاب ( علييييكم الله ضمو الصاد دي عشان م تبشتنو لي الروايه ( .هاك يا جهودي أمسك لي تلفوني وانا بعرف بجيب حقي براي ... طبعآ هشام جبييييل شتت ...جريت على ديوانهم لقيت تلفونو الهواوي قاااعد ف الشاحن ... شلتو طوالي ... أميرة جات مخلوعه يا بت تلفونو دا عادي بودي بي سببو العنايه المكثفه ! ولا أشتغلته بيها مشيت على باب الشارع شوفته جردل موية العده قاااعد يعاين لي سسساي ألليييله بوريك يا هشام أصبر لي بس ..إما أدبتك !! أصبر لي ..فتحته الباب لقيتو قااااعد في الحجر ..داير يجري كده رفععته ليهو تلفونو : بس بس ? دا حق منووو؟؟ طبعا جاهو رعاش و شلل وقال والله يا زفته أخير ليكي رجعي التلفون داا محل لقيتيهو امممم ابيت.. ترتيل مااام ابيييت قال لي والغضب مالي عيونو يا بت أحسن ليك رجعي زفت الطين دا! بس انا حالي زي مقولة: الكلب ينبح والقافله تسير وقفلت الباب فجأه جا داخل غضبان و . .. شوووو ريشتو بي موية العده ...عمكم وقف زي العصفور الداقه مطرة ( يب صح مطرة ...مطرة ) طبعآ هشام واقف و ولا قعد يدي أقوال عندهم سراير حووش برة كده ختيت التلفون بالراحه وهو لسع وااااقف .جهودي جا مسكتو من يدو وعملنا أنسحاب تكتيكي ??? أميرة جاتني المغرب كدا ورتبت معاي حاجاتي ..وطلعته قدمتها مع آذان العشاء كده.. أميرة : وربي حتوحشيني يا زفته هوووي هو انا دايرة أموت؟! غ*يانه دي ! طول عمرك قلبك قاسي بسسسس عليك قلت ليها انسيني مني انا ..هشام وينو والله يا توتي ما عارفاهو ..من وقت رشيتي فيهو موية العده دخل أستحمه وطلع ..تاني ما شوفتو انا بقول هو متأثر عشانك وكده لالا م أظن ..ياخ انسي ..بس سلمي عليهو كويس ؟ حاضر حبيبتي انتي . خلي بالك من نفسك و اوعه يبرلموك . حاضر يحضر ليك الخير رجعته البيت وانا مقهورة ..هشام انا بحبو بس حب من طرف 1 وهسع اهلي حينفوني و خلاص ما حأقدر أشوفو تاني طبعا معالي مرة أبوي ( الكريهه) مبسسسسوطه وأبوي فرحان لأنو هي راضيه عنو.. ما عجبني لي نفسي والله بس بما أنو أبوي مبسوط..حأعتبرو رضا بالوالدين الصبااح قومنا ..اخواني كانو نايمين عشان كده ..ما ودعتهم ومعالي نايمه تششخر ..( عساك ديمه شاخرة ي رب ) المسافه من شندي للقضارف 8ساعات كده وصلنا الموقف الساعه 7:34 ص قاعده كده أبوي نزل .. بعد مسسافه .فجأه في زول قعد جمبي ..طبعاً اتخلعته كان لابس نظارة سودا وطاقيه سوداء طوالي قلت ليهو هششششام¡ عرفتك من نخرتك الكبيرة دي )هشام : طول عمرك كده ما بتتغيري كلو كلو ..فضيحه دي ! هسع نخرتي متين كبيرة يا زفته يا عولاق الناس الفي البص بدو يضحكو في كلامو ... وقت انتبه ليهم انحرج وقال : خلاص خلاص ..اخبارك شنو ! وكيف أهلك ! تمامين .. قال لي : ع فكرة ما نسيت ليك رشة موية العده ي هشام ياخ هشام : يعني خلاص ماشه؟؟ اي.. بس لمن أخلص السمستر الاول بجي الاجازة. طيب هاك الهديه دي ..افتحيها بعد البص يتحرك . هدية شنو دي؟؟ ومالك متعب روحك! هشام : شيليها من سكات.. حاضر ..وشكراً ليك تشكريني على شنو ..يلا انا ماش وبيناتنا #فون حاضر ..سلم على أميرتي طيب .يلا باي.. تصلو بالسلامة راقبتو وهو ماشي وقلبي مقهوور ومقبوض.. يا ربي حأرجع شندي تاني؟ ياربي حألاقي أميرة وهشام!!!؟ ما معروف الأيام داسه لي شنوو ??? أبوي بعد جا ركب الساعه كان عامله 8:34 ص ..البص بدا يتحرك.. أبوي : اووف من المواعيد السودانيه دي ! هسع موش قالو بتحرك 7! سكته ساااي ما رديت ليهو ..( اي قولو عديمة هارت وهيومنستي قولو) **هوي ما وريتكم ....طبعآ تلفوني صيني زنقه زنقه كمان.. يب يب يمكن انا آخر حد يمتلك مثل هاذا الفون لكن كان بقضيني غايتو م حكيت ليكم عن حالتنا الأقتصاديه صح ؟؟ طيب .. نحن فوق الوسط بي شويه ..يعني عادي ممكن أبوي يشتري لي تلفون حديث ..بس الحيه الأسمها معالي ( سسسسس ) م بترضي كلو كلو ... نوممممت ما صحيت إالا تلاته..ما عارفه نحن وين زاتو ..البص وقف ..ابوي قال لي : ماشي أصلي ..عايذه حاجه ؟؟ قلت ليهو : همغو ( لالا بالسسوداني ) نزل وفي اللحظه دي اتذكرته هدية هشام?.قومت فكيت ربطة الهديه لقيت صندوق .. فتحتو .. و.. صرخت تفتكرو هشام جاب لي سنووو #fulla_Ali *Fulla* *Ali* أبوي وقت سمع صوتي جا جاري وكان مقلع عيونو قدر دا قال لي : ي بت مالك بتكوركي !! جنيتي !!! ضب ي ابوي ضب..واااي ابوي: ضب شنو !! و وين ! **طبعا هشام زفت الطين خته لي ضب ميت في علبه...شكلو كان منفوخ و عيونو طالعات برة..شكلو غرقو بي مويه عدييييم الهارت ** قلت لي ابوي انو هشام اداني ليهو ع اساس هديه..ناس البص يضحكو ساااي .قومته صريت ليهم وشي ابوي رماهو بالشباك وقال : غايتو انتي وهشام بري منكم..الله يعمل ليكم ضنب حديد لا بنقطع لا بزيد يا رب ) دا الحاج ...اتخيلو بس الدعوة !! ) ❤❤❤ نومته بعد البص اتحرك ..غايتو قضيت زمني كلو نوم.لأنو صحينا من الأذان الأول عشان نجهز للسفر ..تاني البص زي العصريه كده وقف في حته ...سامعه الركاب بقولو انها ( مدني ) اتوضيت وصليت الضهر والعصر..ابوي جاب لينا سندوتشات برقر..وقارورتين ببسي ومويه ... شويه كده البص اتحرك ...طبعآ المحل كلو صحراء وخلاء..والمغرب خلااااث دخل.. الموهم ...تلفوني طششه شبكه..عشان كده زقلتو جوه الشنطه وبس كنت بعاين بالشباك..م كنت عاوزه اتذكر اني بحكم المنفيه من البيت عشان قلبي م يوجعني ..عشان كده ولا قعده أجيب السيرة لي نفسي بعد شويه المغرب خلاص جا..وشايفين انوار من بعييييد .. ابوي قال لي : خلاص قربنا...وسأل الناس المقابلننا في الأتجاه التاني : دي القدمبليه صح ؟ الراجل رد ليهو : اي ..كلها ساعه او اقل وحندخل المدينه ..طبعآ الراجل كان معاهو مرتو وطفليين..مرتو منقبه.. واطفالو حلوييين اولاد عمر 3 سنه كده وشكلهم تؤم ..دعيت ربنا يحفظهم يديني زيهم . شويه كده بدت تترآي لينا هياكل مباني كده..تاني ظهر شكل جبل...سألت ابوي قال لي : بركة الزكرتيني..دي الجامعه حقتك ..و دا الجبل الأسمو ( تواوا ) قلت : امممممم طيب.. طول ما نحن جايين بس كنت شايفه خلا ساي ...كنت عاوزه اشوف القطيه بس الدنيا ضلام..ابوي ضحك وقال لي عمتك عندها اتنيييين..حتشوفيهم لمن تشبعي ...بعد شويه كده الراجل قال لينا حمد الله ع السلامه. دا السوق الشعبي... بس م وقف..الكمساري قال : واصلين السوق لأنو م***ع الوقوف بعد الزمن دا ف السوق الشعبي.. لكن كلامو صح ..لانو الحته كلها ضلام.. والبص متحرك انا طبعا بتاوق ساااي..واي حاجه بنمر بيها بسأل أبوي ..لغاية هو براهو قعد يوصف لي .. ابوي سأل الراجل وقال ليهو وهو بوصف : دا بنيتوهو متين كمان؟؟ الراجل أبتسم وقال : دا منتجع اسمو الجاسر افتتحوهو السنه دي ي داب ابوي قال ليهو : لالا تمام والله .. تاني شويه كده الراجل قال لينا : دي كليه شريعه وقانون ودي المحكمه..ودي آمانة الحكومه .. و و و. و كمان جينا جمب مستشفي كده قال لينا : دا مستشفي الولاده..التأهيلي.. شكرناهو لأنو عرفنا بالبلد وكده. بعد عرف نحن ماشين ياتو حي ولي ناس منو طوالي وصف لينا الحي الساكن فيهو وقال لينا أسمو وعزمنا كمان ..ناس الكرم والجود والله ❤ البلد شويه شويه بدت توضح لينا..ونحن شاقين الزلط الرئيسي لغاية البص وقف عند الأستوب..وكان باين انو دا السوق..حسب العربات و الناس الماشه وجايه.. البص لفه بي حته كده زي المنتزه بس مافيها ناس..استغربته طبعا .. لغاية وقف في حته كده ..وقف في الزلط. .. الناس بدو يقولو لي بعض حمد الله ع السلامه حمد الله على السلامه.. الراجل الجمبنا ومرتو قالو لينا نورتو البلد قلنا ليهم منورة بي ناسها وبدينا ننزلوا من البص. طبعا ما شايلين حاجات كتيرة..أبوي جا بي غيارو الفي جسمو بس لانو م ناوي يقعد غير يوم واحد وتاني شلنا كرتونه فيها تمر وكده بتاعين الركشات يتهافتو هفت علينا ..في سواق ركشه شال شنطة واحد من المسافرين وطوالي دخلها الركشه..طبعآ حير ام عقل المسافر زاتو .الا ركب معاهو زي دا ابوي مشى نضم مع واحد مسسسافه وجاني راجع ..شال الكرتونه في يد وشنطتي الكبيييييرة ف يد تانيه.. قلت ليهو : خليني أشيل الكرتونه؟ قال لي : لالا هد*ك الركشه ما بعيده وصلنا الركشه ودخلنا حاجاتنا وركبنا .. ابوي وبتاع الركشه دقوها ونسسسه سااااي..ما شاء الله التقول بعرفو بعض..حيرو ام عقلي زاتوو.. ابوي قال ليهو.: اها خريف السنه دي كيف !؟ رد ليهو سيد الركشه : والله المطر ما يد*ك الدرب..والصواقع تسوي كدي ???...عاد خريف السرور. ابوي : لالا تمام والله.. وتاني قعدو ينضمو وينضمو وينضمو..انا ولا اشتغلته بيهم وبس كنت سرحانه في شوارع البلد الحأقرا فيها احييييييي يا انااأاا.. بعد شويه ابوي بدا يوصف ويوصف.. قلت ليهو : ما شاء الله متذكر ؟ قال لي :آخر مرة جيت قبل تلاته سنه..وقت عرس أشرف ولد عمتك الكبير.. قلت ليهو : ايواااا.. طبعا انا آخر مرة شوفته عمتي يمكن من وقت وفاة حبوبه..هسي لو ختوها لي قدآمي ما حأعرفها.. وسبب عدم زيارتها.انو مرت ابوي الشومه د*ك ما بتدي زول وش..شايفين عملت معاي شنو . انتبهته لي ابوي وهو بقول لي سيد الركشه : اي اقيف قدام البيت دا بس.. الركشه وقفت كده ابوي نزل وانا نزلت وراهو.. قال لي : ادخلي انا بلحقك.. من عوارتي قومته دخلته.. والله بس مع دخلتي جوه مشيت لي كم خطوة كده .كن اسمع ليك : هو هو هو.. اي اي ..هيوهيو كلب !!! صرخته وجريت..وهو ما قصر صرخ معاي وجرا وراي جاريه وساكيني في الحوش...ابوي سامعاهو.بقول لي : ما تجري انتي ..اقيفي ..ما حيعمل ليك شي والله بس ولااا اشتغلته بيهو .هو بهظر ولة شنو !! داا كلب يا اخوانه ولة شنو !!؟ وانا جاريه وسامعه كم نفر بقولو ليهو.: كونوستوب! كونوستوب! ع قد م الكلمه ضحكتني على قد ما زدته جريتي.. لقيت لي باب فتحتو ودخلته وقفلته الباب... احييي ..شلته النفس الأول وانا بعاين للحته الدخلتها ...وشلته النفس التاني ..دايرة اشيل التالت الكلب حلف كن أشيلو.. تاني سمعته : هو هو . شوفته في الضلام من هناك ذرات غبار وكتاحه.ما عارفه دخل بي وين حيرني ! انا قعدته قبلي طوالي .والله مرههقه وم عندي حيل للجري.عملته وضعية الق*فصاء وغطيت يدي بي وشي وشغاله : ايييييي ...ابوووي !! ايييي..**والله م عويرة بس كان لازم ابكيي ** الكلب بعد شويه سكت وبدا يلحس فيني.!!!.اتخيلو بس !! ما كضبته طوالي غمرته.. اي غمرت والله.. ما اغمر إلا انا ❤❤❤ شميت ريحه حللللوة ..وسامعه صوت حنيييين بقول : وانت يا أمجد مالك ما بتلم كلبك عليك !! هسي كن كتل البت.. تاني سمعت صوت ضحكه خبيثه ..: هع هع هع..اظن دا امجد الزفت وصوت ولد صغير بسأل: ماتت يا اوومي !؟ قالت ليهو : يموت حيلك انت كمان..يلا امش شوف قرايتك.. دا كلو وانا مغمضه عيوني.. سمعت صوت ابوي قال : هي اصلاً خوافه ساي.. طوالي فتحت عيوني.. لمن خجلت وقت شوفتهم متلمين حواليني ..وكمان حسيت بي شعور سممممح.. شعور الأسرة الأنا فاقادهو.في بيت ابوي المرا قالت : الحمد لله فتحت ..حمد على السلامه يا بت اخووي طوالي عرفت انو دي بتكون عمتو أماني. قلت ليها : الله يسلمك. بعدها سلمو علي ناس كتار ..ما عرفتهم بس كتار والله.. وفي واحدين كانو بضحكو وكده عديمين الهارت.. في واحده شايله ليها بنوته في يدها قالت : اها يا أماني.تصبحو على خير ..بكرة حنجي نسلم عليها.. بعدها طلعو..وبس فضلو ابوي وانا وعمتي ومعاهم بت .. ابوي عرفني بيهم: دي عمتك أماني. ودي بتها انصاف. عمتو كانت صحتها كويسه كده و قصيرة..لونها قمحي زي ابوي ...عمرها اواخر التلاتينات كده وملامحها جميله وبتها انصاف نحيفه و طويله ..لونها فاااتح كده..حلاااته وهادئه من شكلها.. سلمته عليهم وقامو طلعو..فضلنا انا وابوي.. طلع تلفونو واتصل على معالي عسسان يوريها انو نحن وصلنا .. .. من محور كلامو فهمته انو مجاهد من الصباح عامل غلبه و ببكي.. ابوي نضم معاهو كدااا بس ما استجاب.. في اللحظة دي عمتو.وبتها جو داخلين..شايله كبابي عصير ابوي اداني التلفون وقال لي هاك اتفاهمي مع مجاهد دا حيرنا شلت التلفون وقلت ليهو : حبيب توته مالو زعلان ؟ قال لي وهو بتنحب : ا ا انتي موس مثيتي حليتيني يلا م اتلمي معاااي انا سعلان ( انتي موش مشيتي خليتني يلا م تتكلمي معاي انا زعلان احييينا منو العثل دا ) قلت ليهو : حبيبي انت ما تزعل مني..انا سافرته عشان الأستاذه تقريني قال لي : استاسه منو ! قلت ليهو استاسه منى .. قال لي : بث انا استقته ليتي آتوتة قلت ليهو انا ساتي استقته ليت ..بس استاسه منى دالت لي ادعد معاها حبه واجيكم...وعسان انا ساطرة حأسمع تلامها وادعد معاها حبه وادي..تويس ؟ قال لي : حادر .بس اوعه تتأحري مفحووم؟ قلت ليهو مفحوووم يا قبطان مداهد.. طوالي قام ضحك وقال لي : انا ماثي انوم ..وحأثرب اللبن تمان قلت ليهو : استاسه منى قالت ليت انت فالح..يلا ادي التلفون لي ماما..**حاولو افهمو كلامو سمح؟؟** بعد شويه سمعت صوت معالي وهي بتتنايص قالت ولدك صععععب يا الطيب. قلت ليها دي انا ترتيل .. سكتت مسسسافه حتي قالت لي : اهلاً ادي التلفون لي ابوك.. اديتو التلفون وهو زاتو اتأحرج لانو واضح انو هي اختصرتني.. شالو وطلع برة الغرفه... عمتي قالت بالراحه كأنها بتتكلم مع روحها : ههه معالي ما بتتغير كلو كلو.. وقالت لي وعلى وشها ابتسامه: اشربي العصير ما يسخن #صلو_عليه *نتلاقي* ❤️️